बेस्ट कर्मचार्‍यांचा संप मागे

August 18, 2011 6:36 PM0 commentsViews: 8

18 ऑगस्ट

सहावा वेतन आयोग लागू करण्याच्या आश्वासनानंतर बेस्ट कर्मचार्‍यांनी आज संप मागे घेतला. काल मध्यरात्रीपासून हा संप सुरू झाला होता. बेस्ट वर्कर्स ऍक्शन कमिटीनं या संपाचं आवाहन केलं होतं. त्यामुळे बेेस्टच्या 65 टक्के बसेस बंद होत्या. पण संध्याकाळच्या वेळेस संप मागे घेतल्याने प्रवाशांना दिलासा मिळाला.

मुंबईत कामावर जाणार्‍या चाकरमान्यांना आज चांगल्याच त्रासाला सामोरं जावं लागलं. सहाव्या वेतन आयोग लागू करावा या मागणीसाठी बेस्टचे कर्मचारी आज संपावर गेले. मध्यरात्रीपासूनच हा संप सुरू झाला. बेस्ट वर्कर्स ऍक्शन कमेटीने या संपाचे आवाहन केले. त्यामुळे बेस्टच्या 65 टक्के बसेस आज रस्त्यावर उतरणार नसल्याचे शरद राव यांनी सांगितले. कायम स्वरूपी आणि हंगामी कर्मचार्‍यांना पगारवाढ देण्याची मागणी करण्यात आली होती.

close