हायड्रोजन सल्फाईडच्या गळतीमुळे 4 कामगारांचा मृत्यू

September 21, 2011 10:43 AM0 commentsViews: 13

21 सप्टेंबर

ठाणे जिल्ह्यातील तारापूरमधील एमआयडीसीतील एका कंपनीत काल रात्री वायुगळती झाली. या वायुगळतीत 4 कामगारांचा मृत्यू झाला. तर 3 जण गंभीर आहेत. एमआयडीसीतील सिक्वेंट सायंटिफिक लिमिटेड कंपनीतली ही घटना आहे. दुसर्‍या शिफ्टचं काम सुरू असतानाच हायड्रोजन सल्फाईड या वायूची गळती व्हायला सुरुवात झाली. त्यावेळी कंपनीत 16 कामगार हजर होते. त्यापैकी 4 कामगारांचा वायूमुळे गुदमरून मृत्यू झाला. तर 3 जण गंभीर आहेत. त्यांच्यासह बाधा झालेल्या 10 कामगारांना हॉस्पिटलमध्ये भरती करण्यात आलंय. बोईसरमधील खासगी रूग्णालयात त्यांना दाखल करण्यात आलंय. वायुगळती थांबली असली तरी सरकारी यंत्रणांनी सावधानतेचा इशारा दिला. दरम्यान याप्रकरणी कंपनीच्या मॅनेजरसह तिघांनाअटक करण्यात आली.

close