हॉटेल मालकाने नाट्य परीक्षकांना बाहेर काढले

November 16, 2011 11:52 AM0 commentsViews: 3

16 नोव्हेंबर

राज्य नाट्य स्पर्धेच्या पुणे शहरात होत असलेल्या स्पर्धेच्या परीक्षकांना हॉटेल मालकाने भाडं भरलं नाही म्हणून बाहेर काढण्याचा धक्कादायक प्रकार घडला. पुण्यातील भरत नाट्य संस्थेत ही स्पर्धा सुरू आहे. भरत नाट्य संस्थेजवळील श्रीनाथ लॉजमधे या स्पर्धेसाठी बाहेरगावहून आलेले परीक्षक उतरले होते. पण गेल्या वर्षीचं भाडं थकीत असल्याने हॉटेल मालकाने सोलापूरचे शिवानंद चलवादी, मुंबईच्या सुलभा मंत्री आमि अर्चना नाईक यांचं सामान लॉज मधून बाहेर काढलं.

त्यानंतर हे परीक्षक टिळक स्मारक मंदीरात आले. नाट्य परिषदेचे पुणे शाखेचे प्रमुख सतिश देसाईंनी त्यांची गाठ घेतली. देसाईंनी ताबडतोब राज्याचे सांस्कृतिक मंत्री संजय देवतळे यांच्याशी फोनवरून संपर्कही साधला. पण या सावळ्या गोंधळाला नेमकं सांस्कृतिक खातं जबाबदार का समाजकल्याण विभाग हा वाद आता रंगला आहे. एकूणच सरकारी गलथानपणाचा नाहक फटका या परीक्षकांना सहन करावा लागतोय.

close