पंतप्रधानांना अण्णा समर्थकांनी दाखवले काळे झेंडे

January 1, 2012 11:33 AM0 commentsViews: 1

01 जानेवारी

नविन वर्षाचं सगळीकडे जल्लोषात स्वागत करण्यात आलं आहे. पण पंतप्रधान मनमोहन सिंग यांच्यासाठी नविन वर्षाचा पहिला दिवस मात्र खास चांगला ठरलेला नाही. अण्णा हजारेंच्या समर्थकांनी पंतप्रधानांना काळे झेंडे दाखवून त्यांचा निषेध केला. पंतप्रधान अमृतसरच्या सुवर्णमंदिरात दर्शनासाठी आले होते. तेव्हा अण्णा हजारेंच्या समर्थकांनी त्यांना काळे झेंडे दाखवले. लोकपाल बिलाबाबत सरकारने दिलेलं आश्वासन पाळलं नाही याबद्दलचा संताप या आंदोलकांनी व्यक्त केला. दरम्यान पंतप्रधानांना काळे झेंडे दाखवणार्‍यांनी ते भाजपच्या नेत्यांना दाखवावेत, कारण त्यांच्यामुळे लोकपाल विधेयक पास होेऊ शकलेलं नाही. अशी प्रतिक्रिया काँग्रेसच्या प्रवक्त्यानी दिली.

close