अजित पवारांविरोधात आचारसंहिता भंग केल्याची तक्रार

January 4, 2012 2:47 PM0 commentsViews: 4

04 जानेवारी

निवडणूक आयोगाने महापालिका निवडणुकांची घोषणा 3 जानेवारीला दुपारी 3.30 वाजता केल्यानंतर आणि त्याचवेळी आचारसंहिता लागू झाल्यानंतर संध्याकाळी 7 वाजता पुण्यात उड्डाणपुलाचे भूमीपूजन केल्यामुळे उपमुख्यमंत्री अजित पवार यांच्यावर कारवाई करावी अशी मागणी शिवसेनेनं केली आहे.

अजित पावारांविरोधात आचारसंहिता भंगाची लेखी तक्रार पुण्याचे महापालिका आयुक्त महेश पाठक यांच्याकडे शिवसेनेचे पालिकेतील गटनेते शाम देशपांडे यांनी नोंदवली आहे. काल संध्याकाळी राषट्रवादीचे आमदार अनिल भोसले यांच्या पुढाकाराने आयोजित उड्डाणपुलाचे भूमीपूजन अजित पवार यांच्या हस्ते पार पडलं.अजितदादांनी कार्यक्रमानंतर सभेत बोलताना काँग्रेसचे खासदार जेलमध्ये आहेत अशी टीकाही केली होती. पण या प्रकारानंतरही अनिल भोसले यांनी मात्र आचारसंहिता भंग केला नसल्याचा दावा केला आहे.

close