सांगलीत अजितराव घोरपडे यांचा काँग्रेसला रामराम

January 10, 2012 2:13 PM0 commentsViews: 44

10 जानेवारी

जिल्हा परिषद निवडणूकांच्या तोंडावर सांगली जिल्हात काँग्रेसला हादरा बसला आहे. माजी मंत्री अजितराव घोरपडे यांनी काँग्रेसला राम राम करत राष्ट्रवादीची कास धरली आहे. जिल्हा परिषद निवडणुकांमध्ये राष्ट्रवादीच्या उमेदवारांचा प्रचार करणार असल्याचे त्यांनी म्हटलं आहे. त्यांचा राष्ट्रवादीतला प्रवेश केवळ औपचारीकता राहिली आहे. घोरपडे हे सलग तीनदा जिल्हातील कवठेमहांकाळ विधानसभा मतदारसंघात आमदार म्हणून निवडून आलेत. 2009 मध्ये आर आर पाटील यांना घोरपडे यांनी तासगाव कवटेमहाकांळ विधानसभा क्षेत्रात आव्हान दिलं होतं. मात्र शरद पवार यांच्या मध्यस्थीमुळे त्यांनी उमेदवारी अर्ज मागे घेतला. 1999 मध्ये आघाडी सरकारमध्ये घोरपडे पाटबंधारे राज्यमंत्री होते.

close