भरवस्तीत धुमाकूळ घालणारा बिबट्या अखेर जेरबंद

March 26, 2012 12:57 PM0 commentsViews: 3

26 मार्च

नाशिकच्या भरवस्तीत धुमाकूळ घालणार्‍या बिबट्याला अखेर जेरबंद करण्यात आलं आहे. आज सकाळी पंचवटी भागातल्या गजानन कॉलनी इथल्या संतकृपा बंगल्यात बिबट्या घुसला होता. या बिबट्याने केलेल्या हल्ल्यात एका लहान मुलीसह 3 जण जखमी झाले. बंगल्यात बिबट्या घुसल्यामुळे एकच थरकाप उडाला. बंगल्यातील सदस्यांनी घराचे बाहेर पळ काढला. आणि घराची दार,खिडक्या बाहेरून बंद करून घेतली. घरात बिबट्या घुसला ही वार्ता पसरताच बंगल्याभोवती लोकांनी एकच गर्दी केली. काही हौशी वीरांनी बंगल्यात घुसण्याचा प्रवेश केला. पण बिबट्याची गुरगुर ऐकून पाऊलं मागे वळवली. वनविभागाने घटनास्थळाचा ताबा घेत बिबट्याला पकडण्याचे प्रयत्न सुरू केले. वनविभागाच्या अधिकार्‍यंानी इंजेकशनच्या साहाय्याने बिबट्याला बेशुध्द केलं. चार तासांच्या प्रयत्नांनंतर बिबट्याला अखेर पकडण्यात आलं.

close