मुंबई काँग्रेसच्या अध्यक्षपदासाठी दिल्ली दरबारी लॉबिंग

April 3, 2012 1:29 PM0 commentsViews: 4

अमेय तिरोडकर, नवी दिल्ली

03 एप्रिल

मुंबई काँग्रेसच्या अध्यक्षपदासाठी जोरदार लॉबिंग सुरु झालं आहे. गुरुदास कामत आणि मुरली देवरा ह्या मुंबई मधल्या जुन्या नेत्यांनी पुन्हा एकदा बाह्या सरसावल्या आहेत. दिल्लीत त्यांच्या लॉबिंगच्या राजकारणाची चर्चा सुरु आहे.कृपाशंकर सिंह यांच्या रिक्त असलेल्या जागेसाठी मुंबई काँग्रेसमध्ये अनेक दावेदार आहेत. यात सर्वात मोठा दावेदार आहे तो गुरुदास कामत गट. केंद्रातल्या मंत्रीपदाचा राजीनामा तडकाफडकी दिल्यानंतर कामत यांचा गट मुंबई काँग्रेसमधल्या राजकारणात साईडलाईन झाला. त्यामुळेच आता मुंबईचं अध्यक्षपद आपल्या ऐकण्यातल्या कार्यकर्त्याकडे असावे असं कामत यांचा प्रयत्न आहे. कामत गटाने त्यासाठी दिल्लीमध्ये भेटीगाठी सुरु केल्या आहेत.

त्यांनी दिलेल्या नावांमध्ये : – * चंद्रकांत हंडोरे आणि अशोक जाधव यांची नावं आहेत* चंद्रकांत हंडोरे हे मुंबईतले दलित नेते आहेत, तर अशोक जाधव हे सलग चारवेळा आमदार झालेले आहेत.

पण कामत यांच्यासोबत मुरली देवरासुद्धा प्रयत्नशील आहेत. त्यांनीही आपल्या गटाचे दोन नाव तयार ठेवली आहेत. त्यात

- एकनाथ गायकवाड हे खासदार आणि मधु चव्हाण हे आमदार मुंबई अध्यक्षपदासाठी सुचवले जात आहेत.- संसद अधिवेशनाच्या निमित्ताने मिलिंद देवरा आणि एकनाथ गायकवाड यांनी आपलं लॉबिंग दिल्लीमध्ये केलेलं आहेचदरम्यान, देवरा विरुद्ध कामत या गटाच्या राजकारणात मुंबई काँग्रेसला अनेकदा फटका बसलाय. त्यामुळे ह्या गटापेक्षा वेगळा असा चेहरा देण्याचा विचारही हायकमांड करु शकतात. अशा परिस्थितीमध्ये भाई जगताप यांच्यासारखा चेहराही पुढं येऊ शकतो असं म्हटलं जातंय.कामत गट सक्रिय* चंद्रकांत हंडोरे आणि अशोक जाधव यांची नावं चर्चेत* चंद्रकांत हंडोर मुंबईतील दलित नेते* अशोक जाधव सलग चारवेळा आमदार आहेतदेवरा गट सक्रिय

* एकनाथ गायकवाड, मधु चव्हाण यांची नावं चर्चेत* मिलिंद देवरा आणि एकनाथ गायकवाड यांचं दिल्लीत लॉबिंग

close