मुंबईत 3 स्त्री अर्भकांची हत्या

June 8, 2012 11:44 AM0 commentsViews: 3

08 जून

राज्यात एकापाठोपाठ स्त्री अर्भकांची हत्या होण्याच्या घटनांमुळे एकच हादरा बसला आहे. पण आता राज्याच्या राजधानीतच तब्बल तीन स्त्री भ्रूण हत्येचं प्रकरण उघडकीस आलं आहे. त्यामुळे एकच खळबळ उडाली आहे. मुंबईतील कुर्ल्यात 2 भ्रूण सापडली यात एक चार महिन्याचं तर दुसरं 2 महिन्याचं आहे. कुर्ल्यातील मनपा शाळेजवळ ही दोन 2 स्त्री भ्रूणं सापडली आहे. या संदर्भात विनोबा भावेनगर पोलिसांनी तपास सुरु केला आहे. यासाठी 4 पथक कुर्ला भागातील हॉस्पिटलची तपासणी करताहेत. तर दुसर्‍या घटनेत खारमध्येही एका नवजात स्त्री अर्भकाची हत्या केल्याची घटना उघडकीस आली. या नवजात स्त्रीअर्भकाच्या डोक्याला गंभीर दुखापत झाली आहे. या प्रकरणाबद्दल खार पोलीस याचा अधिक तपास करत आहेत.

close