तटकरेंविरोधात एफआयआर दाखल करा – फडणवीस

July 12, 2012 5:23 PM0 commentsViews: 1

12 जुलै

राज्याचे जलसंपदा मंत्री सुनील तटकरे यांनी बेहिशेबी मालमत्ता जमवल्याप्रकरणी त्यांच्यावर एफआयआर दाखल करावा अशी जोरदार मागणी भाजप आमदार देवेंद्र फडणवीस यांनी केली आहे. सुनील तटकरे यांनी पदाचा गैरवापर करुन ही सगळी संपत्ती जमवल्याचा विरोधकांचा आरोप आहे. रायगड जिल्ह्यात तटकरे आणि त्यांच्या कुटुंबियांनी केलेल्या जमिनीच्या खरेदीत गैरव्यवहार केले, असा ठपका त्यांच्यावर विरोधकांनी ठेवलाय. शिवाय त्यांचा मुलगा, मुलगी, सून आणि त्यांच्या समर्थकांच्या नावावर अनेक कंपन्यांचं जाळं विणून पैशांची मोठी अफरातफर केली असं विरोधकांचं म्हणणं आहे. भाजपचे नेते किरीट सोमय्या यांनी याप्रकरणात राज्यपाल, पंतप्रधान कार्यालयाचे राज्यमंत्री, अर्थमंत्रालय यांच्याकडे सुनील तटकरेंच्या विरोधात तक्रार केली आहे. तोच मुद्दा आज विधिमंडळात उपस्थित करण्यात आला. दरम्यान, कायदा आणि सुव्यवस्थेबद्दलच्या चर्चेला उत्तर देताना गृहमंत्री आर.आर. पाटील हे सुनील तटकरेंच्या विरोधात एफआयआर दाखल करणार की नाही, यावर उत्तर देणार आहेत.

close