जागावाटपावरून आघाडीत आतापासूनच रस्सीखेच

October 22, 2012 9:26 AM0 commentsViews: 1

22 ऑक्टोबर

सिंचन घोटाळ्यावरून आघाडीत सुरु झालेली तु-तु मैं मैं आता खुर्चीवर येऊन ठेपली आहे. आघाडीत 2014 निवडणुकांचे पडघम आतापासूनच वाजू लागले आहे आणि जागा वाटपावरुन काँग्रेस-राष्ट्रवादीमध्ये आतापासूनच वाद होऊ लागले आहे. आगामी निवडणुकांमध्ये काँग्रेसकडून जास्त जागा मागणार असल्याचं राष्ट्रवादीच्या नेत्यांनी सांगितलंय. त्यावर राष्ट्रवादी नेहमी अशी वक्तव्य करुन दबाव आणत असल्याची प्रतिक्रिया काँग्रेसचे प्रदेशाध्यक्ष माणिकराव ठाकरे यांनी दिली. तसंच गेल्या निवडणुकीत राष्ट्रवादीचं काय झालं तो इतिहास ताजा आहे, असा टोलाही त्यांनी लगावलाय. त्यामुळे पुन्हा एकदा काँग्रेस विरुद्ध राष्ट्रवादी असा संघर्ष आता पुन्हा एकदा पेटला आहे. राष्ट्रवादी काँग्रेसचं दोन दिवसांचं राज्यव्यापी अधिवेशन काल संपलं. पण या अधिवेशनात सर्व नेत्यांच्या भाषणांमधून काँग्रेस आणि मुख्यमंत्र्यांना टार्गेट करण्याचा प्रयत्न दिसला. पण आता काँग्रेसनं राष्ट्रवादीला उत्तर दिलंय.

close