मुदगल बंधार्‍याच्या पाण्यावरून शिवसैनिकांची दगडफेक

January 21, 2013 10:07 AM0 commentsViews: 7

21 जानेवारी

परभणी जिल्ह्यातील पाथरी तालुक्यातून वाहणार्‍या गोदावरी नदीवरील मुदगल बंधार्‍यातील पाणी परळी औष्णिक विद्युत केंद्राला देण्यात आले याच्या निषेधार्थ शिवसेनेकडून आज परभणीत मोर्चा काढण्यात आला. या मोर्चेकरांनी दुपारी शहरातील बी रघुनाथ सभागृहात जिल्हा नियोजन समितीची बैठकही आयोजित केली होती. पण बैठक सुरू असतानाच मोर्चेकरांनी या सभागृहाची तोडफोड करत पोलिसांवर दगडफेक केली. पोलिसांनी या आंदोलकावर यावेळी सौम्य लाठीमार केला. पुन्हा शिवसैनिकांनी आपला मोर्चा जिल्हाधिकारी कार्यालयाकडे वळवला आणि जिल्हाधिकारी कार्यालयाच्या काचाही फोडल्या . त्यामुळे परभणी शहरात तणावाचे वातावरण निर्माण झाले आहे. या मोर्चात आमदार संजय जाधव यांच्यासह शिवसेनेचे पदाधिकारी,कार्यकर्तेही सहभागी झाले होते.

close