शिवाजी पार्कवर बाळासाहेबांच्या स्मृती उद्यानाचे भूमिपूजन

February 6, 2013 12:37 PM0 commentsViews: 14

06 फेब्रुवारी

अखेर शिवाजीपार्कवर शिवसेनाप्रमुख बाळासाहेब ठाकरे यांच्या स्मृती उद्यानाचं भूमिपूजन आज करण्यात आले आहे. शिवाजीपार्कवर बाळासाहेब यांच्यावर अंत्यसंस्कार करण्यात आले, त्यावेळी अंत्यसंस्कार झालेल्या जागेवरचा चौथरा हटवताना बाळासाहेबांच्या स्मृतीप्रित्यर्थ शिवाजी पार्कातच बांधकामविरहीत बगीचा बांधू अशी घोषणा शिवसेनेनं केली होती. हे बांधकामविरहीत बगीच्याचं काम 23 जानेवारीला बाळासाहेबांच्या जंयतीला होणे अपेक्षित होते मात्र 23 जानेवारीपर्यंत त्याची सुरुवातही झाली नव्हती. त्यावेळी महापालिका आयुक्त सिताराम कुंटे यांनी महापौर निवास्थानी झालेल्या कार्यक्रमात हे बगीच्याचे काम तातडीने करू अशी घोषणा केली होती . त्यानुसार आज कोणताही गाजावाजा न करता भूमिपूजन करण्यात आले आहे.

close