पाच राज्यांच्या विधानसभा निवडणुकांचे निकाल

December 8, 2008 5:06 AM0 commentsViews: 10

8 डिसेंबर पाच राज्यांच्या विधानसभा निवडणुकीत काँग्रेसनं चांगलीच मुसंडी मारलीय. मुंबईवरच्या अतिरेकी हल्ल्याचा फटका सत्ताधारी काँग्रेसला बसेल असा अंदाज होता. मात्र पाचपैकी तीन राज्यात काँग्रेसला जोरदार आघाडी मिळालीय. काँग्रेसनं पुन्हा एकदा दिल्ली राखलीय. तसंच भाजपच्या ताब्यात असलेलं राजस्थान आपल्याकडं खेचून घेतलंय. शिवाय छत्तीसगड आणि मध्यप्रदेशमध्येही काँग्रेसच्या जागा वाढल्यात. छत्तीसगड आणि मध्यप्रदेशातली सत्ता राखण्यात भाजपला यश मिळालंय. मिझोरामध्येही मिझो नॅशनल फ्रंटचा मोठ्या फरकानं पराभव केला आहे.जनतेनं स्थानिक प्रश्नांनाच महत्त्व दिल्याचं या निवडणुकीतून समोर आलं. परिणामी शिवराज सिंग चव्हाण, शीला दीक्षित रमणसिंग या काम करणार्‍या मुख्यमंत्र्यांच्या हातात जनतेनं पुन्हा सत्ता सोपवली आहे. राजस्थान 7.30 pm राजस्थानमध्ये काँग्रेसनं जोरदार मुसंडी मारत भाजपच्या वसुंधरा राज सरकारचा पराभव केला आहे. राजस्थानमध्ये अशोक गेहलोत हे मुख्यमंत्रीपदाचे उमेदवार असण्याची शक्यता आहे. अशोक गेहलोत हे दिल्ली काँग्रेसचे प्रभारीही आहेत. शिवाय त्यांच्याकडे राजस्थानच्या प्रचाराचीही धुरा देण्यात आली होती. विशेष म्हणजे या दोन्ही राज्यात काँग्रेस सत्तास्थापनेचाय मार्गावर आहे.राजस्थानात गुर्जरांचं झालेलं आंदोलन, पाण्याचा प्रश्न आणि विकासाच्या मुद्यावर वसुंधरा राजे सरकार गेल्या पाच वर्षात पिछाडीवर पडल्यानंच भाजपला पराभव स्वीकारावा लागला, असं मानलं जात आहे. निकाल एकूण जागा 200काँग्रेस – 96भाजप – 79इतर – 25दिल्ली 7.30 pm दिल्लीत भाजपचा मोठा पराभव करत काँग्रेसनं दिल्लीतली सत्ता राखली आहे. दिल्लीच्या मुख्यमंत्री शीला दीक्षित यांचा हा सलग तिसरा विजय आहे. या निवडणुकीत मायावतींनीही आपले उमेदवार उतरवले होते. त्याचा काँग्रेसला फटका बसेल असं मानलं जात होतं. मात्र मायावती फॅक्टरही राजधानीत निष्प्रभ ठरल्याचं स्पष्ट झालंय.गेले दोन वर्ष दिल्लीत काँग्रसचं सरकार असल्यानं सरकारविरोधी प्रवाहाचा काँग्रेसला फटका बसेल असं म्हणलं जात होतं. गेल्या निवडणुकीच्या तुलनेत काँग्रेसच्या जागांमध्ये घट झाली आहे, मात्र तरीही दिल्लीच्या जनतेनं यंदाही मुख्यमंत्री शीला दीक्षित यांच्यावर विश्वास दाखवला. निकाल एकूण जागा – 69काँग्रेस – 42 भाजप – 23 इतर – 4 छत्तीसगड7.30 pm छत्तीसगडमध्ये गड राखण्यात भाजपला अखेर यश आलं आहे. मतमोजणीच्या सुरुवातीला काँग्रेस आणि भाजपमध्ये चुरशीची लढत होती. त्या वेळेस छत्तीसगडमध्ये भाजप सत्ता गमावतो की काय ? असा प्रश्न विचारला जात होता. मात्र काही वेळातच भाजपनं आघाडी घेतली आणि सत्ता राखण्यात यश मिळवलं. मुख्यमंत्री रमन सिंग यांचं नेतृत्व यानिमित्तानं पुन्हा एकदा सिद्ध झालं आहे. या सलग दुसर्‍या निवडणुकीत विजय मिळवल्यामुळे रमन सिंग यांचं भाजपमधलं स्थान मजबूत झाल्याचं बोलण्यात येत आहे. अपेक्षित निकाल एकूण जागा – 90काँग्रेस – 39 भाजप – 49 इतर – 2 मध्य प्रदेश 7.30 pm मध्यप्रदेशमध्ये भाजपनं मोठी आघाडी मिळवली असून सत्तास्थापनेकडे त्यांची वाटचाल सुरू झाली आहे. या निवडणुकीत भाजपचे मुख्यमंत्रीपदाचे उमेदवार शिवराज सिंग चौहान यांनी बाजी मारली असून हे त्यांचं मोठं यश मानलं जात आहे. मध्यप्रदेश विधानसभेच्या 230 जागांसाठी मतमोजणी सुरू झाली आहे. चार डिसेंबरला एकाच टप्प्यात मतदान झालं होतं. जवळपास 60 टक्के मतदारांनी मतदानाचा हक्क बजावला. तीन हजार 180 उमेदवारांचं भविष्य या निवडणुकीत ठरणार आहे. अपेक्षित निकाल एकूण जागा – 230 काँग्रेस -70 भाजप – 142 इतर -18मिझोराम7.30 pm मिझोराममध्ये काँग्रेसनं स्पष्ट बहुमत मिळवलं आहे. काँग्रेस आता मिझोराममध्ये स्वबळावर सरकार स्थापनेच्या मार्गावर आहे. सत्ताधारी मिझो नॅशनल फ्रंटचा काँग्रेसनं मोठ्या फरकानं पराभव केला आहे. या निवडणुकीत सध्याचे मुख्यमंत्री झोराम थांगा यांनाही पराभव स्वीकारावा लागला आहे. येत्या लोकसभा निवडणुकांच्या पार्श्वभूमीवर इशान्य भारतातील काँग्रेसचं हे यश लक्षणीय मानलं जात आहे. निकाल एकूण जागा – 40 एमएनएफ – 4काँग्रेस – 32 युडीए – 4इतर – 0

close