टीम अण्णांनी हट्ट धरु नये – ए. बी. बर्धन

December 11, 2011 3:10 PM0 commentsViews: 2

11 डिसेंबर

भारतीय कम्युनिस्ट पक्षानंही आज जनलोकपाल विधेयकातील अनेक मागण्यांना आपला पाठिंबा दिला. त्यात कनिष्ठ कर्मचार्‍यांचा मुद्दा, पंतप्रधानपद, सीबीआय हे लोकपालच्या अंतर्गत असावेत अशी भूमिका भाकप नेते ए. बी. बर्धन यांनी मांडली. तर न्यायपालिकेसाठी स्वतंत्र कायदा केला पाहिजे असंही भाकपने आजच्या महाचर्चेत स्पष्ट केली. एवढंच नाही तर यावेळी ए बी बर्धन यांनी टीम अण्णांनाही खडे बोल सुनावले. आम्ही म्हणू तेच झालं पाहिजे असा हट्ट धरू नये. त्यांनीही आपली भूमिका लवचिक ठेवली पाहिजे. दुसर्‍यांनाही ऐकून घेतलं पाहिजे अशा शब्दात बर्धन यांनी आपली भूमिका मांडली.

close