पंतप्रधान,सोनिया गांधींनी प्रणवदांचं केलं अभिनंदन

July 22, 2012 1:32 PM0 commentsViews: 3

22 जुलै

देशाच्या 13 व्या राष्ट्रपतीपदी प्रणव मुखर्जी विराजमान होणार आहेत. राष्ट्रपतीपदासाठी झालेल्या निवडणुकीत प्रणव मुखर्जी यांनी एनडीएचे उमेदवार पी. ए. संगमा यांचा दणदणीत पराभव केलाय. प्रणवदांना भेटण्यासाठी सर्वच राजकीय पक्षांनी त्यांच्या घरी गर्दी केलीय. पंतप्रधान मनमोहन सिंग, काँग्रेस अध्यक्ष सोनिया गांधी, राहुल गांधी यांनी प्रणव मुखर्जी यांची भेट घेऊन त्यांचं अभिनंदन केलं. पश्चिम बंगालच्या मुख्यमंत्री ममता बॅनर्जी तसेच भाजपनंही त्यांचं अभिनंदन केलं. प्रणव मुखर्जी यांचे सर्व राजकीय पक्षांशी असलेले चांगले संबंध यामुळे त्यांना हा मोठा विजय मिळवता आलाय. 25 जुलैला ते राष्ट्रपतीपदाची शपथ घेणार आहेत. प्रणव मुखर्जी यांनी त्यांना पाठिंबा देणार्‍या सर्व राजकीय पक्षांचे आभार मानलेत. त्यांनी शिवसेनाप्रमुख बाळासाहेब ठाकरे यांना फोन करून पाठिंबा दिल्याबद्दल आभार मानले.

close