आ.क्षितिज ठाकूर, राम कदमांना न्यायालयीन कोठडी

March 22, 2013 10:41 AM0 commentsViews: 33

22 मार्च

मुंबई : पीएसआय सचिन सूर्यवंशी यांना मारहाण प्रकरणाची बहुजन विकास आघाडीचे आमदार क्षितिज ठाकूर आणि मनसेचे आमदार राम कदम यांना 14 दिवसांची न्यायलयीन कोठडी सुनावण्यात आली आहे. आज दोन्ही आमदारांना किला कोर्टात हजर करण्यात आले. गुरूवारी दोन्ही आमदार पोलिसांना शरण आले होते. त्यानंतर त्यांना अटक करून किला कोर्टात हजर केले असता कोर्टाने एका दिवसाची पोलीस कोठडी सुनावली होती. आता आमदारांच्या अडचणीत आणखी भर पडली. 5 एप्रिल पर्यंत आमदारांना न्यायलयीन कोठडी सुनावण्यात आली आहे. विधिमंडळाच्या प्रांगणात आमदार क्षितिज ठाकूर, राम कदम यांच्या इतर तीन आमदारांनी पीएसआय सूर्यवंशी यांना बेदम मारहाण केली होती. या प्रकरणी पाचही आमदारांचे 9 महिन्यासाठी निलंबित करण्यात आले आहे. त्यांच्या जामीन अर्जांवर सोमवारी सुनावणी होणार आहे. त्यामुळे त्यांना सोमवारपर्यंत न्यायालयीन कोठडीत राहावं लागणार आहे.

close