वसई विरारकरांच्या मोर्चाची विधानभवनाकडे आगेकूच

April 19, 2011 11:18 AM0 commentsViews: 5

19 एप्रिल

वसई विरार महापालिकेतून 35 गावं वगळावी असा सरकारचा निर्णय झालेला असूनही अंतिम अधिसूचना अजूनही निघालेली नाही. ही अधिसूचना तत्काळ काढावी या मागणीसाठी वसई जनआंदोलन समितीने विधानभवनावर धडक मोर्चा काढला आहे. मात्र वेस्टर्न एक्सप्रेस हायवे वर या मोर्चादरम्यान आमदार विवेक पंडित यांना चक्कर आली. पंडित यांची तब्येत खालावल्याने त्यांना डॉक्टरांनी पूर्णपणे विश्रांती घ्यायला सांगितलंय. पण आंदोलनाच्या भूमिकेवर पंडित ठाम आहेत. सी लिंकवर जाण्याची परवानगी आंदोलकांना सुरूवातीला नाकारण्यात आली होती. पण नंतर त्यांना परवानगी देण्यात आली. आज हे मोर्चेकरी वरळीला मुक्काम करणार आहेत.

close