शाहरूखवर बंदी बालिशपणा -राज ठाकरे

May 7, 2013 11:59 AM0 commentsViews: 45

07 मे

मागे जे घडलं ते घडलं पण त्या गोष्टी चुकीच्याही असतील यात वाद नाही. पण आता वर्ष उलटलं हा विषय संपलाय. उगाच शाहरूख खानला स्टेडियमवर येऊ देणार नाही असं काही करणं हा बालिशपणा आहे. तो काही दहशतवादी नाही. हा विषय मिटवावा. त्याच्यावर घातलेली बंदी अयोग्य आहे अशा शब्दात मनसेचे अध्यक्ष राज ठाकरे यांनी शाहरूख खानची पाठराखण केली आहे. राज ठाकरे यांनी या अगोदर आपल्या सभेतून आयपीएल विरोधात भूमिका मांडली होती. आणि आज अचानक राज यांनी शाहरूखची बाजू घेत ‘झालं गेलं विसरून जा’ असा सल्ला दिलाय.

आज वानखेडे स्टेडियमवर कोलकाता नाईट रायडर्स आणि मुंबई इंडियन्स दरम्यान मॅच होतं आहे. मागिल वर्षी शाहरूखने वानखेडेवर सुरक्षारक्षकाशी वाद घातल्यामुळे त्यांच्यावर 5 वर्षांची बंदी घालण्यात आली आहे. मात्र आपल्या कृत्यावर शाहरूखने पत्रकार परिषद घेऊन झालेल्या प्रकरणावर माफी मागितली होती. काँग्रेसचे दिवगंत नेते विलासराव देशमुख यांनी शाहरूखवरील बंदी मागे घेतली जाईल असे संकेत दिले होते. पण यावर कोणताही निर्णय झाला नव्हता. आज पुन्हा एकदा मुंबई आणि कोलकाता वानखेडे स्टेडियमवर आमने-सामने येत आहे आणि या मॅचसाठी शाहरूखला वानखेडेवर येऊ देऊ नसे असं पत्रच एमसीएने मरिन ड्राइव्ह पोलिसांना दिलं आहे. त्यामुळे वाद आणखीच चिघळला.

close