डहाणूमध्ये बस आणि टँकरच्या अपघातात 14 ठार

May 29, 2013 10:17 AM0 commentsViews: 17

29 मे : डहाणूमध्ये लक्झरी बस आणि टँकरच्या अपघातात 14 प्रवासी ठार झालेत, तर 39 जण जखमी झालेत. डहाणूमधल्या कासा मेंढवन खिंडीत आज पहाटे साडेसहाच्या दरम्यान हा अपघात झाला. मृतांमध्ये 8 पुरूष , 5 महिला, आणि एका मुलाचा समावेश आहे. तर जखमींमध्ये 9 मुलं आहेत. ही लक्झरी बस अहमदाबादहून मुंबईकडे येत होती. जखमींना कासा हॉस्पिटलमध्ये दाखल करण्यात आलं असून मृतांची संख्या वाढण्याची भीती आहे. दरम्यान, गृहमंत्री आर.आर.पाटील अपघात स्थळाला भेट देण्यास पोहोचणार आहेत.

close