इंग्लंडची फायनलमध्ये धडक

June 20, 2013 8:17 PM0 commentsViews: 132

sa vs england20 जून : चॅम्पियन्स ट्रॉफी स्पर्धेत यजमान इंग्लंडनं फायनलमध्ये धडक मारली आहे. तर दक्षिण आफ्रिकेवर पुन्हा एकदा चोकर्सचा शिक्का
बसला आहे. सेमीफायनलमध्ये इंग्लंडनं दक्षिण आफ्रिकेचा 7 विकेट राखून धुव्वा उडवला. इंग्लंडच्या भेदक बॉलिंगसमोर पहिली बॅटिंग करणार्‍या दक्षिण आफ्रिकेची टीम अवघ्या 175 रन्सवर ऑलआऊट झाली. आफ्रिकेचे तब्बल 7 बॅट्समन रन्सचा दुहेरी आकडाही गाठू
शकले नाहीत. अपवाद ठरला तो डावखुरा बॅट्समन डेव्हिड मिलरचा.. मिलरनं नॉटआऊट हाफसेंच्युरी ठोकत टीमला किमान पावणेदोनशे रन्सचा टप्पा गाठून दिला. विजयाचं हे आव्हान इंग्लंडनं 3 विकेटच्या मोबदल्यात 38व्या ओव्हर्समध्येच पार केलं. जोनाथन ट्रॉटनं नॉटआऊट 82 रन्स करत विजयावर शिक्कामोर्तब केलं

close