मुंबई गँगरेप : तिसर्‍या आरोपीला अटक

August 24, 2013 8:51 PM2 commentsViews: 1356

gang rape24 ऑगस्ट : मुंबईत छायाचित्रकार तरूणीवर सामूहिक बलात्कार प्रकरणी संध्याकाळी तिसर्‍या आरोपीलाही अटक करण्यात आली. या आरोपीला शनिवारी संध्याकाळी महालक्ष्मी परिसरातून अटक करण्यात आली आहे. तर दुसर्‍या आरोपीला शुक्रवारी रात्री दक्षिण मुंबईतल्या एका व्हिडिओ पार्लरमध्ये अटक करण्यात आली.

पहिल्या आरोपीला शुक्रवारी दुपारी अटक करण्यात आली होती. दोन्ही आरोपींना 30 ऑगस्टपर्यंत पोलीस कोठडी देण्यात आली आहे. उरलेले दोन फरार आरोपींना पकडण्यासाठी आम्ही शर्थीचे प्रयत्न करतोय, असं पोलिसांनी सांगितलंय. या प्रकरणाचा तपास मुंबई क्राईम ब्रांचकडे सोपवण्यात आलाय. हे आरोपी स्थानिक रहिवासी असल्याची माहिती पोलिसांनी दिलीये.

दरम्यान, पीडित मुलीची तब्येत आता स्थिर असून तिला लवकरच डिस्चार्ज दिला जाऊ शकतो. गुरूवारी संध्याकाळी महालक्ष्मी येथील शक्ती मिलमध्ये पीडित तरूणी आपल्या मित्रासह फोटोशूट करण्यासाठी गेली असता तीच्यावर दोन नराधमांनी बलात्कार केला. तर तिघांनी या नराधमांना मदत केली. सर्व आरोपींनी ओळखी पटलीय.

या प्रकरणाचे राज्यभरात तीव्र पडसाद उमटले असून पत्रकार आणि छायाचित्रकार संघटनेनं तीव्र निषेध व्यक्त केला. नराधमांना कठोर शिक्षा व्हावी अशी मागणी केलीय. दरम्यान, या प्रकरणातला अटक झालेला पहिला आरोपी हा अल्पवयीन असल्याचं त्याच्या आजीचं म्हणणं आहे. हा आरोपी महालक्ष्मी परिसरातच राहतो. आपला नातू अत्यंत चांगला मुलगा असून तो असं करणं शक्यच नाही, असं त्याच्या आजीचं म्हणणं आहे.

  • Ankush Gaikwad

    mi ankush vishnu gaikwa rh.turbhe naka hnuman nagar navi mubai mazi10 varsachi mulgi payal ankush gaikwad hicyvar 16 jun roji 17 te 15 varsachy 4 mulne samhuki baltakar kela ani 25 jun,roji ticha mrutay zal ani tay mulana 1 mhinayt jamin zala amhi evdhe dukhat aahot ani tay mulache aai vadil amhala yeta jata tars karta tithla 1 cokal lidar khajmiya patel ha bolt ki mi tay mula sodun anle kay kele tayche amhi garib aaht muhnu aamcha vichar kon kart tumhi tari aamhala nay milun deay

  • shashkanti sankapal

    Aho asha lokancha gunha sidha jhala ki tyanche hat aani tyancha purushart (ling) kapun takum tyanchya kapalaval lihayche ki mi balatkari aahe, aani jivant samajat sodayche
    Ase kelyas punha koni balatkar karnyachi punha himmat nahi karnar.

close