अटक टाळण्यासाठी बापूची धडपड

August 30, 2013 2:29 PM0 commentsViews: 460

asaram bapu30 ऑगस्ट: लैंगिक अत्याचार प्रकरणी अटक टाळण्यासाठी आसाराम बापूची धडपड सुरूच आहे. आसाराम यांच्या कुटुंबातील एका नातेवाईकाचा मृत्यू झाल्यामुळे ते हजर राहू शकत नाहीत असं कारण दिलंय.

तसंच आसाराम यांची तब्बेतही बरी नसल्यामुळे मुदत वाढवून देण्यात यावी अशी मागणी आसारामच्या मुलानं केलीय. बापू तपासकामात पूर्ण सहकार्य करतील असंही त्यांनी सांगितलंय.

बापूविरोधात जोधपूरमध्ये एका अल्पवयीन मुलीने लैंगिक अत्याचाराची तक्रार दाखल केली. या तक्रारीच्या आधारे राजस्थान पोलिसांनी बापूला समन्स बजावली. पण बापूंनी याला कोणतेही उत्तर दिले नाही.

बापूविरोधात लूकआऊट नोटीसही बजावण्यात आलाय. त्यांना 30 ऑगस्ट म्हणजे आज पोलीस स्टेशनमध्ये हजर होण्याचे आदेश देण्यात आले आहे. आजही मुदत संपत आहे त्यामुळे बापूला कधीही अटक होऊ शकते. त्यामुळे अटकपूर्व जामीन मिळावा यासाठी बापूच्या समर्थकांची धावपळ सुरू आहे.

close