S M L

फायलीन चक्रीवादळाचे 7 बळी

Sachin Salve | Updated On: Oct 13, 2013 04:10 PM IST

फायलीन चक्रीवादळाचे 7 बळी

philin4413 ऑक्टोबर : फायलीन चक्रीवादळाचा जोर आता ओसरला असला, तरी ओडिशा आणि आंध्र प्रदेशात त्याचे परिणाम मात्र दिसत आहेत. चक्रीवादळामुळे आतापर्यंत 7 जणांचा मृत्यू झाल्याची माहिती आहे.

 

ओडिशामधल्या गंजम जिल्ह्याला या वादळाचा सर्वाधिक तडाखा बसल्याचं ओडिशा सरकारनं सांगितलं. गंजममधल्या गोपालपूरमध्येच सर्वात आधी फायलीन चक्रीवादळ धडकलं. ओडिशामधल्या 12 जिल्ह्यामध्ये तब्बल 80 लाख लोकांना वादळाचा फटका बसल्याचं सांगण्यात येतंय.

 

ओडिशा आणि आजूबाजूच्या राज्यांमध्ये पुढचे 24 ते 38 तास पाऊस सुरु राहील असं हवामान विभागातर्फे सांगण्यात आलंय. त्याचा फटका बिहारला बसू शकतो. बिहारमधल्या कोस आणि गंधक नद्यांना पूर येण्याचा धोका आहे. दरम्यान, हवामान खात्यानं आंध्र प्रदेशाला चक्रीवादळाचा धोका असल्याचा इशारा मागे घेतलाय.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Oct 13, 2013 03:22 PM IST

लोकप्रिय बातम्या

ताज्या बातम्या

ibnlokmat
close