S M L

जाती हिंसाविरोधी विधेयकाला मोदींचा विरोध

Samruddha Bhambure | Updated On: Dec 5, 2013 04:26 PM IST

modi on pm05 डिसेंबर : भाजपचे पंतप्रधानपदाचे उमेदवार नरेंद्र मोदी यांनी पंतप्रधानांना जाती हिंसाविरोधी विधेयकाला विरोध करणारे पत्र लिहिले आहे. या विधेयकामुळे समाजात फूट पडून तो विभागला जाईल अशी भीती मोदींनी व्यक्त केली आहे.

हे विधेयक मांडण्याची ही चुकीची वेळ असून सरकारच्या हेतूंविषयी शंका निर्माण करणारी आहे असा आरोप मोदी यांनी या पत्राद्वारे केला आहे. यासंबंधी मोदींनी अनेक ट्विट्सही केले आहेत. राजकीय समीकरणे आणि मतांचे राजकारण डोळ्यासमोर ठेवून सरकार हे विधेयक आणत असल्याचा आरोप मोदींनी केला आहे.

हे विधेयक भारताच्या संघराज्य रचनेला धक्का लावणारे आहे. यामुळे समाजामध्ये दुही पडून हिंसा वाढेल असा इशाराही मोदींनी दिला आहे. यासंबंधीत राज्य सरकारांना विश्वासात घेण्याची विनंतीही त्यांनी केली आहे. पण, हे विधेयक याच अधिवेशनात मांडले जाईल, असे केंद्रीय गृहमंत्री सुशीलकुमार शिंदे यांनी स्पष्ट केले आहे.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Dec 5, 2013 11:29 AM IST

लोकप्रिय बातम्या

ताज्या बातम्या

ibnlokmat
close