S M L

संसदेच्या अधिवेशनाचं सूप वाजलं, अडवाणींच्या डोळ्यात तरळले अश्रू

Sachin Salve | Updated On: Feb 21, 2014 07:39 PM IST

संसदेच्या अधिवेशनाचं सूप वाजलं, अडवाणींच्या डोळ्यात तरळले अश्रू

loksbha421 फेब्रुवारी : संसदेच्या अधिवेशनाचं आज सूप वाजलं. 15 व्या लोकसभेचा कार्यकाळ आज संपला. मात्र या 15 लोकसभेत सर्वात कमी काम झालंय. एवढेच नाही तर अनेक मुद्यावरुन आपण निवडून दिलेल्या लोकप्रतिनिधी लोकशाहीला वेशीवर टांगत अक्षरश: धुमाकूळ घातला. अलीकडेच तेलंगणाच्या मुद्द्यावरुन खासदारांनी केलेला राडा अवघ्या देशाने पाहिला. पण आज 15 व्या लोकसभेचा शेवट गोड झाला.

लोकसभेत खासदारांनी एकमेकांचा भावपूर्ण निरोप घेतला. यावेळी 40 वर्षापासून लोकसभेच्या कामकाजात सहभाग घेणारे भाजपचे ज्येष्ठ नेते लालकृष्ण अडवाणी यांच्या डोळ्यांमध्ये अश्रू तरळले. यूपीए-2 सरकारच्या कारकिर्दीतलं हे शेवटचं अधिवेशन होतं. आता पुढचं अधिवेशन निवडणुकीनंतर नव्या सरकारच्या स्थापनेनंतर होणार आहे. या अधिवेशनात कामकाजाचे अनेक दिवस वाया गेले, मात्र अनेक महत्त्वाची विधेयकंही याच लोकसभेनं मंजूर केली.

भ्रष्टाचारविरोधी सहा महत्त्वाची विधेयकं या अधिवेशनात मंजूर करून घेण्याचा सरकारचा प्रयत्न होता. पण तेलंगणावर झालेल्या गदारोळामुळे ही विधेयकं मंजूर होऊ शकली नाहीत. आता या विधेयकांसाठी वटहुकूम काढण्याचा पर्याय सरकारसमोर आहे. यूपीए सरकारच्या दुसर्‍या टर्ममध्ये म्हणजे 15 व्या लोकसभेत आतापर्यंत सर्वात कमी काम झालंय.

मागील पाच वर्षाच्या कार्यकाळात फक्त 165 विधेयकं पास झाली तर 126 विधेयकं दोन्ही सभागृह रखडली आहे. यापैकी लोकसभेत 72 विधेयकं रखडली असून आज कार्यकाळ संपल्यामुळे ही विधेयकं रद्द झाली आहे. खरं पाहता संसदेचं कामकाज सुरळीत पार पाडण्याची जबाबदारी सरकारची आहे पण ही जबाबदारी यशस्वीपणे पार पाडण्यात अपयश आलं हे काँग्रेसने मान्य केलंय. आता आगामी 16 व्या लोकसभेत नवीन येणारे लोकप्रतिनिधी देशाच्या जनतेसाठी कसं काम करता हे पाहण्याचं ठरेल.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Feb 21, 2014 07:29 PM IST

लोकप्रिय बातम्या

ताज्या बातम्या

ibnlokmat
close