S M L

अरविंद केजरीवालांवर एका महिलेचा शाई फेकण्याचा प्रयत्न

Samruddha Bhambure | Updated On: Jan 17, 2016 07:37 PM IST

अरविंद केजरीवालांवर एका महिलेचा शाई फेकण्याचा प्रयत्न

नवी दिल्ली – 17 जानेवारी : दिल्लीचे मुख्यमंत्री अरविंद केजरीवाल यांच्यावर एका महिलेने शाई फेकली आहे. दिल्लीतील छत्रसाल स्टेडियममध्ये सम-विषम वाहतूक नियमांसंदर्भातील कार्यक्रमादरम्यान हा प्रकार घडला आहे.

आम आदमी सेनेची सदस्य असल्याचा दावा या महिलेनं केला आहे. आम आदमी सेना ही आम आदमी पक्षाच्या स्वयंसेवकांचीच एक संघटना आहे. आम आदमी पक्षाने सीएनजीमध्ये घोटाळा केला असून त्यासंदर्भातील कागदपत्र आणि सीडीही आपल्याकडे असल्याचा दावा या महिलेने केला आहे. या घटनेनंतर दिल्ली पोलिसांनी या महिलेला ताब्यात घेतलं असून तिची चौकशी सुरू आहे. या प्रकरणात ती एकटी आहे, की अजून इतर कुणी सहभागी आहेत, याचा तपास पोलीस करणार आहेत. दरम्यान, सहानुभूती मिळवण्यासाठी शाई फेकचा दिखावा केल्याचा आरोप भाजपनं केला आहे.

 

 

 

Follow @ibnlokmattv

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Jan 17, 2016 07:37 PM IST

लोकप्रिय बातम्या

ताज्या बातम्या

ibnlokmat
close