S M L

26 नोव्हेंबरच्या दहशतवादी हल्ल्याचा घटनाक्रम

28 नोव्हेंबर, मुंबईमुंबईमध्ये बुधवार रात्रीपासून धुमश्चक्री सुरू आहे. एकामागोमाग दहशतवादी हल्ल्यांनी मुंबई हादरली. अशी होती या सगळ्या घटनांची क्रमवारी. या सगळ्याची सुरुवात झाली कुलाब्यातल्या कॅफे लिओपोल्ड जवळ. रात्री नऊ सव्वा नऊच्या सुमारास तीन बंदूकधारी अतिरेक्यांनी लिओपोल्डच्या आत अंदाधुंद गोळीबार केला.अतिरेक्यांचं पुढचं टार्गेट होतं छत्रपती शिवाजी टर्मिनस. एके 47 घेतलेल्या दोन अतिरेक्यांनी पॅसेंजर हॉलमध्ये गोळीबार केला. कमांडोज स्टेशनवर आणले गेले. पण तो पर्यंत ते दोन अतिरेकी पळून जाण्यात यशस्वी ठरले.हे अतिरेकी पळून गेले ते कामा हॉस्पिटलकडे. हे हॉस्पिटल व्हीटी स्टेशनच्या जवळ आहे. इथे त्यांनी किमान 5 लोकांचा बळी घेतला आणि काही पेशंट्सना ओलिस धरलं. इथेच एटीएस चीफ हेमंत करकरे, अ‍ॅडिशनल सीपी अशोक कामटे आणि सिनियर पोलीस इन्स्पेक्टर विजय साळस्कर यांना वीरमरण आलं. नंतर या अधिकार्‍यांचीच कार घेऊन अतिरेकी पळाले.याच दरम्यान विलेपार्ल्यात फ्लायओव्हर खाली उभ्या असलेल्या टॅक्सीत आरडीएक्सचा स्फोट झाला. असाच स्फोट डॉकयार्ड रोड माझगावला एका टॅक्सीत झाला. कामा हॉस्पिटलमधून पोलिस व्हॅन घेऊन पळालेल्या या दोघांचा पाठलाग पोलिसांनी केला आणि या दोघांना पोलिसांनी चौपाटीजवळ गोळ्या घालून ठार केलं. आता ट्रायडेंट म्हणून ओळखल्या जाणार्‍या ओबेरॉय हॉटेलला अतिरेक्यांनी लक्ष केलं. इथं त्यांनी ओपन फायरिंग केलं. हॅण्डग्रेनेडचे स्फोट केले. कुलाबा परिसरातल्याच ताज हॉटेलचा काही अतिरेक्यांनी ताबा घेतला. अनेक परदेशी पर्यटकांना त्यांनी ओलिस ठेवलं. मध्यरात्रीदरम्यान ताजच्या मुख्य घुमटाला आगीच्या लोळांनी वेढलं. पण अग्निशामक दलाने ही आग विझवण्यात यश मिळवलं आणि काही लोकांची सुटकाही केली.काही अतिरेकी घुसले ते नरिमन हाऊसमध्ये. दक्षिण मुंबईतल्या या बिल्डिंगमध्ये त्यांनी पुन्हा काही लोकांना ओलिस धरलं. यापैकी ओबेरॉयमधल्या अतिरेक्यांना एनएसजीच्या जवानांनी ठार केलं असून त्यातल्या 100च्या वर ओलिसांची सुटका केली आहे. नरिमन हाउस आणि ताज हॉटेलमध्ये मोठ्या प्रमाणावर चकमकी अजूनही झडतायत. तिथे कोम्बिंग ऑपरेशन सुरू आहे.

आईबीएन लोकमत | Updated On: Nov 28, 2008 03:02 PM IST

26 नोव्हेंबरच्या दहशतवादी हल्ल्याचा घटनाक्रम

28 नोव्हेंबर, मुंबईमुंबईमध्ये बुधवार रात्रीपासून धुमश्चक्री सुरू आहे. एकामागोमाग दहशतवादी हल्ल्यांनी मुंबई हादरली. अशी होती या सगळ्या घटनांची क्रमवारी. या सगळ्याची सुरुवात झाली कुलाब्यातल्या कॅफे लिओपोल्ड जवळ. रात्री नऊ सव्वा नऊच्या सुमारास तीन बंदूकधारी अतिरेक्यांनी लिओपोल्डच्या आत अंदाधुंद गोळीबार केला.अतिरेक्यांचं पुढचं टार्गेट होतं छत्रपती शिवाजी टर्मिनस. एके 47 घेतलेल्या दोन अतिरेक्यांनी पॅसेंजर हॉलमध्ये गोळीबार केला. कमांडोज स्टेशनवर आणले गेले. पण तो पर्यंत ते दोन अतिरेकी पळून जाण्यात यशस्वी ठरले.हे अतिरेकी पळून गेले ते कामा हॉस्पिटलकडे. हे हॉस्पिटल व्हीटी स्टेशनच्या जवळ आहे. इथे त्यांनी किमान 5 लोकांचा बळी घेतला आणि काही पेशंट्सना ओलिस धरलं. इथेच एटीएस चीफ हेमंत करकरे, अ‍ॅडिशनल सीपी अशोक कामटे आणि सिनियर पोलीस इन्स्पेक्टर विजय साळस्कर यांना वीरमरण आलं. नंतर या अधिकार्‍यांचीच कार घेऊन अतिरेकी पळाले.याच दरम्यान विलेपार्ल्यात फ्लायओव्हर खाली उभ्या असलेल्या टॅक्सीत आरडीएक्सचा स्फोट झाला. असाच स्फोट डॉकयार्ड रोड माझगावला एका टॅक्सीत झाला. कामा हॉस्पिटलमधून पोलिस व्हॅन घेऊन पळालेल्या या दोघांचा पाठलाग पोलिसांनी केला आणि या दोघांना पोलिसांनी चौपाटीजवळ गोळ्या घालून ठार केलं. आता ट्रायडेंट म्हणून ओळखल्या जाणार्‍या ओबेरॉय हॉटेलला अतिरेक्यांनी लक्ष केलं. इथं त्यांनी ओपन फायरिंग केलं. हॅण्डग्रेनेडचे स्फोट केले. कुलाबा परिसरातल्याच ताज हॉटेलचा काही अतिरेक्यांनी ताबा घेतला. अनेक परदेशी पर्यटकांना त्यांनी ओलिस ठेवलं. मध्यरात्रीदरम्यान ताजच्या मुख्य घुमटाला आगीच्या लोळांनी वेढलं. पण अग्निशामक दलाने ही आग विझवण्यात यश मिळवलं आणि काही लोकांची सुटकाही केली.काही अतिरेकी घुसले ते नरिमन हाऊसमध्ये. दक्षिण मुंबईतल्या या बिल्डिंगमध्ये त्यांनी पुन्हा काही लोकांना ओलिस धरलं. यापैकी ओबेरॉयमधल्या अतिरेक्यांना एनएसजीच्या जवानांनी ठार केलं असून त्यातल्या 100च्या वर ओलिसांची सुटका केली आहे. नरिमन हाउस आणि ताज हॉटेलमध्ये मोठ्या प्रमाणावर चकमकी अजूनही झडतायत. तिथे कोम्बिंग ऑपरेशन सुरू आहे.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

Tags:
First Published: Nov 28, 2008 03:02 PM IST

लोकप्रिय बातम्या

ताज्या बातम्या

ibnlokmat
close