S M L
  • होम
  • व्हिडिओ
  • बेळगावप्रश्नी वास्तववादी भूमिका घ्या - राज ठाकरे
  • बेळगावप्रश्नी वास्तववादी भूमिका घ्या - राज ठाकरे

    Published On: Dec 19, 2011 12:25 PM IST | Updated On: Dec 19, 2011 12:25 PM IST

    19 डिसेंबरगेल्या 55 वर्षापासून सीमा प्रश्नावर नुसती टोलवाटोलवी सुरु आहे. हा प्रश्न काही तोडफोड करुन सुटणार नाही. सीमा प्रश्न किती दिवस ताणणार आहात ? आता या प्रश्नावर वास्तवादी भूमिका घ्या असा सल्ला राज ठाकरे यांनी एकिकरण समितीला दिला. त्याबरोबर सुप्रिम कोर्टाने निकाल दिल्यानंतर बेळगाव महाराष्ट्रात आला तर आनंद आहे. पण बेळगावमधल्या मराठींचे प्रश्न कर्नाटकात सुटणार असतील तर विरोध कशाला ? असा प्रश्नही राज यांनी उपस्थित केला. याप्रश्नी भाजपचे अध्यक्ष नितिन गडकरी आणि कर्नाटकचे मुख्यमंत्र्यांची भेट घेऊ असे आश्वासनही राज यांनी दिले.कर्नाटक सरकारने सुडापोटी बेळगाव महापालिका बरखास्त केली आणि राज्यभरात याचे तीव्र पडसाद उमटले. कर्नाटक सरकारच्या दडपशाहीविरोधात, सीमावासियांनी मराठी भाषिकांनी लढा तीव्र केला आहे. महाराष्ट्र एकिकरण समितीच्या पदाधिकार्‍यांनी काल शिवसेनाप्रमुख बाळासाहेब ठाकरे यांची भेट घेतली तर आज मनसेचे अध्यक्ष राज ठाकरे यांची भेट घेतली या भेटीनंतर राज ठाकरे यांनी पत्रकार परिषद घेऊन आपली भूमिका स्पष्ट केली. बेळगाव प्रश्नी असे किती दिवस लढा देत राहणार आहात, तुमच्यावर होणारी सक्ती कशामुळे होती याची खोलात जाऊन चौकशी केली पाहिजे. गेल्या 55 वर्षांपासून हा मुद्दा चर्चेत आहे पण आजपर्यंत काही साध्य झालं नाही. सुप्रिम कोर्टात केस सुरु आहे कोर्टाने निकाल दिल्यानंतर बेळगाव महाराष्ट्रात आला तर आनंद आहे. पण बेळगावमधल्या मराठींचे प्रश्न कर्नाटकात सुटणार असतील तर विरोध कशाला ? असा प्रश्नही राज यांनी उपस्थित केला. पण कानडी सरकार तुमच्यावर मराठी म्हणून अन्याय करत आहे की महाराष्ट्रात जायचं म्हणून होतं आहे. जर महाराष्ट्रात जायचं म्हणून विरोध होतं असेल तर एकदा कर्नाटक सरकारला विचार करण्याची संधी द्या कारण महाराष्ट्रात असं काही अबादही अबाद असं काही सुंदर चित्र नाही. इकडे लोडशेडिंग, शेतकर्‍यांच्या, पाण्याच्या समस्या आहेच उगाच महाराष्ट्रात येऊन पश्चाताप झाला असं त्यांना वाटू नये म्हणून जर महाराष्ट्रात जाण्यासाठी विरोध असेल तर मी स्वत: तेथील मुख्यमंत्र्यांशी चर्चा करण्यासाठी येईल असं आश्वासन राज यांनी दिले तसेच भाजपचे अध्यक्ष नितिन गडकरी यांचीही भेट घेणार आहोत. पण कानडी सरकारने जर नोकरीत, आणि स्थानीक गोष्टीत मराठी माणसांला सामावून घेतले तर हा प्रश्न किती ताणायचा ? यालाही काही मर्यादा आहे. उद्या जर दुसरा एखादा प्रदेश राज्यात सामावून घ्यायाचा असेल तर त्यांना सुखासमाधानाने ठेवण्याचे सत्ताधारी अनुकूल आहे का ? जर तिकडेच त्यांच्या भावी पिढ्यासाठी कर्नाटकमध्ये प्रश्न सुटत असेल तर मग विरोध कशाला ? असा प्रश्नही राज यांनी उपस्थित केला. तसेच प्रत्येकांना आपल्या भाषेचा अभिमान असतोच मग कानडी लोकांनी त्यांचा भागात हट्ट धरला त्यात काय चुकलं. आपणही महाराष्ट्रात मराठी भाषा,मराठी पाट्यासाठी आग्रह धरतोच मग या प्रश्नावर भावनिक मुद्दा बनवून काही साध्य होणार नाही आज नेमक काय घडतंय आणि किती वर्षापासून घडतंय याचा वास्तवादी होऊन निर्णय घ्यावा असा सल्लाही राज यांनी दिला. त्याचबरोबर बेळगावच्या मुद्यावर काही राजकीय पक्ष निवडणुकीचा मुद्दा बनवून समोर येता त्यावर आंदोलनही होतात पण हे कशासाठी ? असा टोला राज यांनी शिवसेनेला लगावला.

ताज्या बातम्या

और भी
ibnlokmat
close