S M L

खतरनाक अतिरेकी अब्दुल टुंडाला अटक

Sachin Salve | Updated On: Aug 17, 2013 04:45 PM IST

खतरनाक अतिरेकी अब्दुल टुंडाला अटक

Toonda_New17 ऑगस्ट : खतरनाक दहशतवादी सय्यद अब्दुल करीम उर्फ तुंडाला अटक करण्यात आलीय. दिल्ली पोलिसांनी टुंडाला भारत-नेपाळ सीमेवर अटक करुन भारतात आणलंय. टुंडाला कोर्टाने तीन दिवसांची पोलीस कोठडी सुनावलीय.

टुंडा हा अंडरवर्ल्ड डॉन दाऊद इब्राहिमचा हस्तक आणि लष्कर-ए-तय्यबाचा अतिरेकी आहे. 1996 ते 1998 दरम्यान दिल्ली आणि परिसरात झालेल्या 40 अतिरेकी हल्ल्यांचा तो मास्टरमाईंड आहे.

90 च्या दशकात टुंडा पाकिस्तानात पळून गेला होता. तिथे लष्कर-ए-तय्यबासोबत त्यानं भारतविरूद्ध अतिरेकी कारवाया सुरू ठेवल्या होत्या. त्याच्याकडून एक पाकिस्तानी पासपोर्ट जप्त करण्यात आला असून अब्दुल कुदुसच्या नावे हा पासपोर्ट देण्यात आला होता.

कोण आहे टुंडा?

  • - भारताच्या 20 जणांच्या मोस्ट वॉन्टेड यादीत समावेश
  • - भारतातल्या आधुनिक जिहादी चळवळीचा संस्थापक
  • - लष्कर-ए-तय्यबाचा आघाडीचा बॉम्ब एक्स्पर्ट
  • - उत्तर प्रदेशातल्या गाझियाबादचा रहिवासी
  • - 80 च्या दशकात तो आयएसआयच्या संपर्कात आला
  • - त्यानंतर स्फोटकं तयार करण्याच्या प्रशिक्षणासाठी पाकिस्तानात गेला
  • - डिसेंबर 1996 ते जानेवारी 1998 दरम्यान अनेक बॉम्बस्फोटांत तो सहभागी होता
  • - दिल्ली, पानिपत, सोनिपत, लुधियाना, कानपूर, हैदराबाद, वाराणसी, गुलबर्ग, सुरत, लखनौमधल्या बॉम्बस्फोटांचा मास्टरमाईंड
  • - 1993 मुंबई सीरियल रेल्वे बॉम्बस्फोट, भिवंडी दंगलीतही हात
  • - 2000 मध्ये टुंडाचा बांगलादेशमध्ये बॉम्बस्फोटात मृत्यू झाल्याचं जाहीर करण्यात आलं होतं
  • - तर 2005 मध्ये टुंडा पुन्हा गुप्तचर संस्थांच्या रडारवर आला
  • - कारण लष्कर-ए-तय्यबाच्या एका अतिरेक्यानेच टुंडा जिवंत असल्याचं सांगितलं
  • - उजवा हात बॉम्ब बनवताना निकामी झाल्यानं त्याचं नाव टुंडा पडलं

 

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Aug 17, 2013 03:24 PM IST

लोकप्रिय बातम्या

ताज्या बातम्या

ibnlokmat
close