S M L

आसारामचं पौरुषत्त्व सिद्ध, तब्येतही ठणठणीत

Sachin Salve | Updated On: Sep 2, 2013 04:06 PM IST

asaram bapu02 सप्टेंबर : मी नपुसंक आहे, मी लैंगिक अत्याचार करूच शकत नाही असा दावा करणार्‍या आसाराम बापूची वैद्यकीय चाचणीतून पोलखोल झालीय. बापूचं पौरुषत्त्व सिद्ध झालं असून त्याची तब्येतही ठीक असल्याचं सर्टिफिकेटच हॉस्पिटलने दिलंय. तसंच आसारामविरोधात लवकरच आरोपपत्र दाखल करण्यात येईल, असंही पोलिसांनी सांगितलं.

शनिवारी मध्यरात्री अटक झाल्यानंतर रविवारी पोलिसांनी बापूला त्याच्या आश्रमात घटनास्थळी घेऊन गेले आणि तिथं त्याची चौकशी केली. चौकशी दरम्यान बापूने आपल्यावरील सगळे आरोप फेटाळून लावले. एवढेच नाही तर मी नपुसंक आहे, लैगिंक अत्याचार करूच शकत नाही असंही त्याने पोलिसांना सांगितलं. बापूची ही वाणी ऐकून पोलीस ही चक्रावून गेले. जर बापू नपुसंकच म्हणत असेल तर पोटन्सी टेस्टच करण्याचा निर्णय घेतला.

अखेर बापूच्या चमत्कारासारखाच त्यांचा दावाही खोटा ठरला. वैद्यकीय चाचणीत तो चौकशीसाठी फिट असल्याचं स्पष्ट झालंच, तसंच त्याची पोटन्सी टेस्टही घेण्यात आली त्यात त्याचं पौरुषत्व सिद्ध झालं असून आसाराम आजारी नसल्याचं सिद्ध नसल्याचं निष्पन्न झाल्याचं पोलिसांनी स्पष्ट केलंय.आसारामवर अल्पवयीन मुलीवर लैंगिक अत्याचार केल्याचा आरोप आहे. त्यांच्या मदतनीसांची दिवस अखेर चौकशी केली जाईल असं पोलिसांनी सांगितलंय.

तसंच आसाराम चौकशीदरम्यान सहकार्य करत असल्याचं पोलिसांकडून सांगण्यात आलं. त्यानं स्वतःविरुद्धचे सर्व आरोप फेटाळलेत. या प्रकरणी आतापर्यंत फक्त आसारामलाच अटक करण्यात आलीये. मात्र, आणखी काही जणांना अटक केली जाऊ शकते, असं पोलिसांतर्फे सांगण्यात येतंय. आज आसाराम बापूची एक दिवसाची पोलीस कोठडी आज संपतेय ती वाढवून मिळावी यासाठी पोलीस प्रयत्न करण्याची शक्यता आहे.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Sep 2, 2013 03:34 PM IST

लोकप्रिय बातम्या

ताज्या बातम्या

ibnlokmat
close