S M L

आव्हाडांचा पराक्रम, अवैध दारूचा अड्डा केला उद्धवस्त

Sachin Salve | Updated On: Feb 15, 2014 08:48 PM IST

आव्हाडांचा पराक्रम, अवैध दारूचा अड्डा केला उद्धवस्त

3745thane_awahad14 फेब्रुवारी : अगोदर जमिनीच्या प्रश्नावर बिल्डराच्या कार्यालयाची तोडफोड त्यानंतर गावठी दारूचा अड्डा उद्धवस्त करण्याचा पराक्रम राष्ट्रवादीचे कार्याध्यक्ष जितेंद्र आव्हाड यांनी केलाय. ठाण्यातल्या कळवा वाघोबानगर परिसरातील अवैध देशी दारुच्या भट्टीवर राष्ट्रवादी काँग्रेसच्या कार्याध्यक्ष जितेंद्र आव्हाड आणि स्थानिक महिलांनी हल्लाबोल करत तोडफोड केलीय.

मागील अनेक दिवसांपासून या दारूच्या दुकानामुळे स्थानिक महिलांना मोठ्या प्रमाणात त्रास होत असल्यामुळे या महिलांनी आव्हाड यांच्याकडे अनेकदा तक्रारी केल्या होत्या त्याचे पर्यावसन आज या तोडफोडीत झालंय. अशा पद्धतीने जिथे कुठे अनैतिक दारूच्या दुकानांचा त्रास नागरिकांना होत असेल तिथे कारवाई करावी अशी मागणी आव्हाड यांनी केलीय.

विशेष म्हणजे शुक्रवारी ठाण्यातल्या खारेगाव परिसरातील शेतकर्‍यांच्या जमिनीच्या प्रश्नावर आव्हाड यांनी एका बांधकाम व्यावसायिकाच्या कार्यालयाची तोडफोड केली होती. शेतकर्‍यांच्या जमिनीला योग्य मोबदला द्यावा नाहीतर त्या जमिनी परत द्या अशी मागणी करत जितेंद्र आव्हाड आणि शेतकर्‍यांनी सोनावली ब्रदर्स यांच्या मॅरेथॉन बिल्डर्सच्या कार्यालयात निदर्शनं केली. आणि कार्यालयातील कॉम्प्युटर, सीसीटीव्ही आणि इतर साहित्यांची तोडफोड केली. याप्रकरणी जितेंद्र आव्हाड आणि 75 शेतकर्‍यांच्याविरोधात कळवा पोलिसांनी दंगल माजवणे आणि खासगी मालमत्तेचं नुकसान करणे, असे गुन्हे दाखल केले आहे.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Feb 15, 2014 08:48 PM IST

पॉपुलर

ताज्या बातम्या

ibnlokmat
close