S M L

ओमराजेंचा पत्ता कट, उस्मानाबादेतून रवी गायकवाड रिंगणात

Samruddha Bhambure | Updated On: Mar 7, 2014 06:18 PM IST

ओमराजेंचा पत्ता कट, उस्मानाबादेतून रवी गायकवाड रिंगणात

26626262ravi gaikwad and hemant godse07 मार्च : लोकसभा निवडणुकीसाठी शिवसेनेनंआणखी दोन शिलेदारांना उमेदवारी जाहीर केलीय. उस्मानाबादमधून सध्याचे आमदार ओमराजे निंबाळकर यांचा पत्ता कट करत पुन्हा एकदा रवी गायकवाड यांना उमेदवारी दिली आहे. तर नाशिकमधून मनसेतून सेनेत दाखल झालेले हेमंत गोडसेंना रिंगणात उतरवलंय.

शिवसेना भिवंडीच्या जागेच्या बदल्यात उस्मानाबादची जागा भाजपसाठी सोडणार असल्याची चर्चा होती. यासाठी शिवसेनेनं चाचपणीही केली. पण भाजपने भिवंडीची जागा सोडण्यास नकार दिली. कल्याण आणि ठाण्यात दोन्ही ठिकाणी शिवसेनेचे उमेदवार आहे. त्यामुळे भिवंडीची जागा सेनेला दिली तर कल्याण ते ठाणे पट्‌ट्यातून भाजप बाहेर पडली असती अशी भीती भाजपला होता. त्यामुळे भाजपने भिवंडीची जागा आपल्याकडे ठेवली. भाजपचे नेते गोपीनाथ मुंडे यांनी गुरूवारी रात्री मातोश्रीवर जाऊन उद्धव यांना भाजपचा निर्णय कळवलाय.

यानंतर सेनेनं उस्मानाबादमध्ये राष्ट्रवादीचे नेते पद्मसिंह पाटील यांच्या विरोधात रवी गायकवाड यांना उतरवले आहे. विशेष म्हणजे रवी गायकवाड गेल्या लोकसभा निवडणुकीत पद्मसिंह पाटील यांच्या विरोधात थोड्या मतांनी पराभूत झाले होते. तर नाशिकमध्ये राष्ट्रवादीने छगन भुजबळ यांना उमेदवारी दिली आहे. त्यांच्या विरोधात सेनेनं हेमंत गोडसे यांना उमेदवारी दिलीय. मागच्या निवडणुकीत हेमंत गोडसे मनसेकडून लोकसभा निवडणुकीच्या रिंगणात होते. पण राष्ट्रवादीचे समीर भुजबळ यांच्या विरोधात अगदी थोड्या मतांनी पराभूत झाले होते. सहा महिन्यांपुर्वी मनसेच्या एकाधिकारशाही विरोधात बंड करत गोडसे यांनी शिवसेनेत प्रवेश केलाय. आता शिवसेनेकडून गोडसे पुन्हा नशीब आजमावून पाहत आहे.

 

सेनेची यादी अशी :

  • बुलडाणा - प्रतापराव जाधव
  • अमरावती - आनंदराव अडसूळ
  • यवतमाळ - भावना गवळी
  • परभणी -संजय जाधव
  • कल्याण - डॉ. श्रीकांत एकनाथ शिंदे

  • मुंबई दक्षिण - अरविंद सावंत
  • मुंबई उत्तर-पश्चिम - गजानन किर्तीकर
  • मुबई दक्षिण मध्य राहुल शेवाळे
  • रायगड - अनंत गीते
  • रत्नागिरी - सिंधुदुर्ग - विनायक राऊत
  • ठाणे - राजन विचारे
  • हिंगोली - सुभाष वानखेडे
  • औरंगाबाद - चंद्रकांत खैरे
  • रामटेक - कृपाल तुमाणे
  • शिरूर - शिवाजीराव आढळराव पाटील
  • नाशिक -हेमंत गोडसे
  • उस्मानाबाद - रवी गायकवाड

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Mar 7, 2014 03:43 PM IST

लोकप्रिय बातम्या

ताज्या बातम्या

ibnlokmat
close