S M L

लातूर जिल्ह्यात तीन दिवसांत तीन बलात्कार

Samruddha Bhambure | Updated On: Aug 22, 2014 11:27 AM IST

rape-victims-

22 ऑगस्ट :  मराठवाड्यात महिला आणि विशेषत: लहान मुलींवरच्या अत्याचाराच्या घटना वाढतच चाल्या आहेत. लातूर जिल्ह्यात सलग तीन दिवस बलात्काराच्या घटनांची नोंद झाली आहे. यातल्या दोन घटनांमध्ये मुली अल्पवयीन आहेत. यात औसामधली बलात्काराची घटना अत्यंत धक्कादायक आहे. औसा शहरात कपडे धुण्यासाठी पाणीसाठ्यावर गेलेल्या चौदा वर्षांच्या मुलीवर सामूहिक बलात्कार करण्यात आला. पोलिसांनी या प्रकरणी नितीन सूर्यवंशी या एका आरोपीला अटक केलीय तर इतर दोघे जण अजूनही फरार आहेत.

लातूर जिल्ह्यातल्या भूतमुगळी गावात एका चार वर्षांच्या मुलीवर बलात्कार झाला आहे. उदगीरमध्येही एका भाजीपाला विकणार्‍या मुलीवर बलात्कार झाल्याची घटना घडली आहे. मुलींवरच्या अत्याचाराच्या घटना दिवसेंदिवस वाढतच आहेत. शहरापासून ते खेड्यापर्यंत अशा घटनांचं प्रमाण वाढलंय, अल्पवयीन मुलींवरच्या या सामूहिक बलात्काराने संपूर्ण लातूर जिल्हाच हादरून गेला आहे.

Follow @ibnlokmattv

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Aug 22, 2014 11:26 AM IST

लोकप्रिय बातम्या

ताज्या बातम्या

ibnlokmat
close