S M L

मेलबर्न टेस्ट ड्रा करण्यात टीम इंडियाला यश

Samruddha Bhambure | Updated On: Dec 30, 2014 01:50 PM IST

 मेलबर्न टेस्ट ड्रा करण्यात टीम इंडियाला यश

30 डिसेंबर  : मेलबर्न टेस्ट ड्रा करण्यात अखेर टीम इंडियाला यश आले आहे. धोनी आणि अश्विन यांच्या भागीदारीच्या जोरावर भारतीय संघाला कसोटी अनिर्णित राखण्यात यश आले आहे. मात्र, या निकालानंतर ऑस्ट्रेलियाने चार सामन्यांची कसोटी मालिका 2-0 ने खिशात घातली आहे.

कसोटीच्या अखेरच्या दिवशी ऑस्ट्रेलियाने दिलेल्या 384 धावांच्या लक्ष्याचा पाठलाग करताना मैदानात उतरलेल्या टीम इंडियाची सुरूवात निराशाजनक झाली. शिखर धवन शुन्यावर बाद झाला त्यापाठोपाठ लोकेश राहुल अवघी एका रनवर बाद झाला. तर, पहिल्या डावात अर्धशतक झळकावणारा मुरली विजयही 11 धावांवर बाद झाला. त्यामुळे भारताची अवस्था बिकट झाली होती.

मात्र, त्यानंतर कोहली आणि रहाणेने भारताचा डाव काहीसा सावरत संघाला 100 धावांचा टप्पा पार करून दिला. मात्र, त्यानंतर विराट कोहली 54 धावांवर बाद झाला. त्यामुळे मागील दोन कसोट्यांप्रमाणे भारत पुन्हा पराभवाचा कित्ता गिरवणार असेच चित्र निर्माण झाले होते. चेतेश्वर पुजाराही 21 धावांवर माघारी परतला. अजिंक्य रहाणे संयमी खेळी करत असतानाच तो 48 धावांवर बाद झाला. अखेर कर्णधार धोनीने आर. अश्विच्या साथीने किल्ला लढवत मेलबर्न टेस्ट ड्रा करण्यात टीम इंडियाला यश आले आहे.

Follow @ibnlokmattv

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Dec 30, 2014 01:50 PM IST

लोकप्रिय बातम्या

ताज्या बातम्या

ibnlokmat
close