S M L

वांद्रे सेनेचा बालेकिल्ला नाहीच, पोटनिवडणूक लढायला तयार -राणे

Sachin Salve | Updated On: Mar 18, 2015 11:00 PM IST

वांद्रे सेनेचा बालेकिल्ला नाहीच, पोटनिवडणूक लढायला तयार -राणे

 rane 33318 मार्च : वांद्रे विधानसभा क्षेत्र हे शिवसेनेचा बालेकिल्ला वगैरे काहीही नाही. फक्त तिथे मातोश्री आहे. आपण कोकणी आहोत आणि कोणत्याही लढतीला घाबरतं नाही असं खुल्लं चॅलेंजच काँग्रेसचे नेते नारायण राणे यांनी शिवसेनेला दिलंय. पक्षाने आदेश दिल्यास आपण वांद्रे विधानसभा पोटनिवडणूक लढवण्यास तयार आहोत असंही राणे स्पष्ट केलं. ते सिंधु कृषि पशु-पक्षी मेळ्याच्या उद्घाटनाला सिंधुदुर्गात आले असताना पत्रकारांशी बोलत होते.

काँग्रेसचे प्रदेशाध्यक्ष अशोक चव्हाण आणि मुंबईचे शहराध्यक्ष संजय निरुपम यांच्या निवडीवरून काँग्रेसमध्ये पुन्हा एकदा नारायण राणे यांचं नाराजीनाट्य रंगलं होतं. मात्र, राणेंच्या या नाराजीनाट्यावर काँग्रेसने वेगळाचा तोडगा काढला. शिवसेनेचे आमदार बाळा सावंत यांच्या निधनानंतर रिक्त झालेल्या जागी मुंबईतील वांद्रे मतदारसंघातून पोटनिवडणूक होणार आहे. विशेषत: अशी पोटनिवडणूक बिनविरोध होत असते.

पण, यंदा काँग्रेसने उमेदवार देण्याची घोषणा केलीये. आणि उमेदवारीसाठी नारायण राणे यांना विचारणा करण्यात आलीये. राणेंनी आपण लढणार की नाही याबद्दलचा निर्णय गुलदस्त्यातच ठेवला होता. पण आज त्यांनी तो जाहीर केला. पक्षात आपण नाराज नाही. आणि पक्षात असल्यामुळे कुणीही मनधरणी करत नाहीये. तशी आवश्यकताही नाही कारण मी पक्षातच आहे. पक्षाला जर वाटलं तर वांद्रे पोटनिवडणूक लढवण्यास आपण तयार आहोत असं राणेंनी स्पष्ट केलं. त्यानंतर राणेंनी सेनेकडे मोर्चा वळवला. वांद्रे हा काही शिवसेनेचा बालेकिल्ला वगैरे काहीही नाहीये. फक्त तिथे मातोश्री आहे. आमचे चांदूरकरचं अगोदर तिथे आमदार होते. त्यामुळे बालेकिल्ला असं काही नाही. मी कोकणी माणूस आहे लढतीला घाबरत नाही असं खुल्लं आव्हानच राणेंनी दिलंय.

Follow @ibnlokmattv

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Mar 18, 2015 11:00 PM IST

लोकप्रिय बातम्या

ताज्या बातम्या

ibnlokmat
close