S M L

वांद्रे पूर्व विधानसभा पोटनिवडणुकीसाठी तृप्ती सावंत यांनी भरला अर्ज

Samruddha Bhambure | Updated On: Mar 23, 2015 02:34 PM IST

वांद्रे पूर्व विधानसभा पोटनिवडणुकीसाठी तृप्ती सावंत यांनी भरला अर्ज

Trupti sawant

23  मार्च : वांद्रे पूर्व पोटनिवडणुकीसाठी शिवसेनेच्या उमदेवार तृप्ती सावंत यांनी आज आपला उमेदवारी अर्ज दाखल केला. या वेळी शिवसेनेने जोरदार शक्तीप्रदर्शन केले. शिवसेना विभाग अध्यक्ष अनिल परब, भाजप आमदार आणि मुंबई प्रदेशध्यक्ष आशीष शेलार यांच्यासह भाजपचे खासदार पूनम महाजन या वेळी आवर्जुन उपस्थित होत्या.

शिवसेना आमदार बाळा सावंत यांच्या निधनाने रिक्त झालेल्या वांद्रे पूर्व विधानसभा मतदारसंघासाठी होत असलेल्या पोटनिवडणुकीसाठी शिवसेनेने बाळा सावंत यांच्या पत्नी तृप्ती यांना उमेदवारी दिली आहे. तर, त्यांच्याविरोधात काँग्रेसचे ज्येष्ठ नेते नारायण राणे रिंगणात उतरले आहेत. त्यामुळे ही निवडणूक चुरशीची होणार आहे.

शिवसेनेने हा मतदारसंघ आपल्याकडेच राहण्यासाठी सर्व शक्ती पणाला लावली असताना नारायण राणे यांनी राष्ट्रवादीचा पाठिंबा मिळवून त्यांच्यासमोर कडवे आव्हान निर्माण केले आहे. त्यामुळे ही लढत सेनेसाठी प्रतिष्ठेची आणि राणेंसाठी अस्तित्वाची असल्यानं पुढच्या काही दिवसांत वांद्यात मोठा राडा रंगण्याची शक्यता आहे.

Follow @ibnlokmattv

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Mar 23, 2015 01:22 PM IST

लोकप्रिय बातम्या

ताज्या बातम्या

ibnlokmat
close