S M L

पवनहंसचे हेलिकॉप्टर अरबी समुद्रात कोसळलं

Samruddha Bhambure | Updated On: Nov 5, 2015 09:09 AM IST

पवनहंसचे हेलिकॉप्टर अरबी समुद्रात  कोसळलं

05 नोव्हेंबर : पवनहंस एअरलाइन्सचं हेलिकॉप्टर बुधवारी संध्याकाळी साडेसातच्या सुमारास बॉम्बे हाय जवळच्या समुद्रात कोसळलं. या अपघातात पायलट आणि को-पायलट बेपत्ता झाले आहे. नौदल आणि तटरक्षक दलाने शोधमोहीम आणि बचावकार्य हाती घेतले आहे.

मुंबईच्या किनार्‍यापसून 150 किमीच्या अंतरावर हा अपघात झाला. बॉम्बे हायच्या तेलफलाटावर रात्रीच्या अंधारात लॅण्डिग करत असताना हे हेलिकॉप्टर तेलफलाटापासून दोन नॉटिकल मैल समुद्रात कोसळलं. हेलिकॉप्टरमध्ये तांत्रिक बिघाड निर्माण झाल्याने हा आपघात झाल्याची शक्यता वर्तवली जात आहे.

नौदलाने त्याच्या शोधासाठी एक हेलिकॉप्टर, नाइट व्हीजन असलेले विशेष हेलिकॉप्टर आणि दोन युद्धनौकाही तातडीने रवाना केल्या. रात्री उशीरा हेलिकॉप्टरचे काही अवशेष बचाव पथकाला समुद्रात तरंगताना आढळले.

बातम्यांच्या अपडेटसाठी कनेक्ट राहा आमच्या फेसबुक पेज आणि टि्वटर अकाऊंटसोबत

Follow @ibnlokmattv

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Nov 5, 2015 07:51 AM IST

पॉपुलर

ताज्या बातम्या

ibnlokmat
close