S M L

हेडलीने दिली कबुली

19 मार्च26/11 च्या मुंबई हल्ल्यात सहभाग असल्याचा गुन्हा डेव्हिड कोलमन हेडली याने कबूल केला आहे. अमेरिकेतील शिकागो कोर्टासमोर गुरुवारी हेडलीने आपला गुन्हा कबूल केला. यावेळी मुंबई हल्ल्या संबंधी तब्बल 12 गुन्ह्यांची कबुली हेडलीने दिली. भारतातील प्रमुख ठिकाणांची पाहणी करून, दोन ठिकाणी बॉम्ब पेरले आणि बॉम्बस्फोट घडवून आणले, असेही हेडलीने त्याच्या कबुली जबाबात म्हटले आहे. तसेच 26/11च्या हल्ल्याआधी पाहणीसाठी वेगवेगळ्या जागांचे फोटो काढल्याचा जबाबही हेडलीने शिकागो कोर्टासमोर दिला. भारतात येऊन दहशतवादी कारवाया करण्यासोबतच पाकिस्तानमधील दोन अतिरेकी संघटनांशी असलेल्या संबंधांचीही हेडलीने कबुली दिली. लष्कर-ए-तैय्यबाचा C1-3 चा कमांडर इलियास काश्मिरीसोबत संबंध असल्याचेही हेडलीने मान्य केले आहे.लष्कर-ए-तैय्यबाला माहिती पुरवली भारतात आणि डेन्मार्कमध्ये दहशतवादी कारवायांसाठी पाहणी करण्यासाठी एका मित्राच्या इमिग्रेशन कंपनीचा वापर केल्याचे हेडलीने सांगितले. तसेच ही माहिती लष्कर-ए-तैय्यबालाही पुरवल्याचे त्याने कबूल केले. लष्कर-ए-तैय्यबाच्या 5 ट्रेनिंग कँपला भेटी दिल्याचेही हेडलीने कबूल केले. तिथे त्याने शस्त्रास्त्रे चालवण्याचे प्रशिक्षण घेतले. आणि टेहळणीचे तंत्र शिकून घेतले. हेडलीचा कबुलीजबाब त्याला मृत्यूदंडापासून वाचवू शकतो. त्याला भारताकडे सोपवण्यात येणार नाही. मात्र व्हिडिओ कॉन्फरन्सिंगसारख्या माध्यमातून त्याची चौकशी भारताला करता येईल. हेडली दहशतवादी कारवायांबद्दल महत्त्वाची माहिती देत असल्याचा दावा अमेरिकेने केला आहे. दरम्यान माझा पुतण्या दहशतवादी नसल्याचे हेडलीच्या काकांनी म्हटले आहे.सकारात्मक दृष्टीने पाहणार हेडलीला भारताकडे सोपवण्यास अमेरिकेने नकार दिला असला तरी याकडे सकारात्मक दृष्टीकोनातून पाहण्याचे केंद्र सरकारने ठरवले आहे. हेडली प्रकरणातील हा महत्त्वाचा टप्पा असल्याचे सरकारने म्हटले आहे. तसेच अमेरिकन कायद्यांचा अभ्यास करणार असल्याचेही सरकारने म्हटले आहे. आता हेडलीने गुन्हा कबूल केला आहे. त्यामुळे यापुढे आम्हाला अमेरिकेत जाऊन त्याची चौकशी करण्याची संधी मिळेल, अशी अपेक्षाही सरकारकडून व्यक्त केली जात आहे. अधिकृत मागणी नाही हेडलीप्रकरणी अमेरिका भारताला सहकार्य करत आहे, पण भारताने अमेरिकेकडे अधिकृतपणे हेडलीच्या हस्तांतरणाची मागणी केलेली नाही, अशी माहिती परराष्ट्रमंत्री एस. एम. कृष्णा यांनी दिली आहे. हेडली मिळाला नाही तर काय फायदा?हेडलीच्या कबुलीजबाबामुळे 26/11च्या हल्ल्याच्या खटल्याला फायदा होईल. या हल्ल्याचा कट पाकिस्तानमध्येच शिजला. त्यामुळे हा पाकपुरस्कृत दहशतवाद आहे, या आमच्या दाव्याला बळकटी मिळेल, असे विशेष सरकारी वकील उज्ज्वल निकम यांनी म्हटले आहे.हेडली माफीचा साक्षीदार होऊ शकतो. पण त्यासाठी अमेरिका आणि पाकिस्तानने सहकार्य करणे गरजेचे आहे. पण अमेरिका जर त्याला भारताच्या ताब्यात देणार नसेल तर काही फायदा होणार नाही, असेही निकम यांनी म्हटले आहे.विरोधक आक्रमकविरोधक मात्र या मुद्द्यावर चांगलेच आक्रमक झाले आहेत. हेडलीला भारताकडे सोपवले जाणार नाही हे भारतीय परराष्ट्र धोरणाचे अपयश असल्याचे भाजप नेते राजीव प्रताप रुडी यांनी म्हटले आहे. हेडलीला भारताकडे सोपवले जावे आणि त्याची चौकशी भारताच्या कोर्टात व्हावी अशी मागणीही भाजपने केली आहे. हेडली मिळणार नाहीअमेरिका हेडलीला भारताकडे सोपवणार नसल्याचे गृहमंत्री पी. चिदंबरम यांनी स्पष्ट केले आहे. डेन्मार्क आणि पाकिस्तानलाही हेडली पाहिजे असल्याचे चिदंबरम यांनी सांगितले. 26/11 च्या खटल्यावर याचा परिणाम होणार नाही, असा दावाही त्यांनी केला. गुप्तचर यंत्रणेचे अपयश हेडली भारतात येऊन गेला याबाबतीत इंटलिजन्स ब्युरोला कोणतीही माहिती नव्हती. हे गुप्तचर यंत्रणेचे अपयश आहे, असा आरोप विरोधी पक्षनेते एकनाथ खडसे यांनी केला आहे. हेडली प्रकरणी विरोधक आज विधानसभेत आक्रमक झाले.

आईबीएन लोकमत | Updated On: Mar 20, 2010 09:02 AM IST

हेडलीने दिली कबुली

19 मार्च26/11 च्या मुंबई हल्ल्यात सहभाग असल्याचा गुन्हा डेव्हिड कोलमन हेडली याने कबूल केला आहे. अमेरिकेतील शिकागो कोर्टासमोर गुरुवारी हेडलीने आपला गुन्हा कबूल केला. यावेळी मुंबई हल्ल्या संबंधी तब्बल 12 गुन्ह्यांची कबुली हेडलीने दिली. भारतातील प्रमुख ठिकाणांची पाहणी करून, दोन ठिकाणी बॉम्ब पेरले आणि बॉम्बस्फोट घडवून आणले, असेही हेडलीने त्याच्या कबुली जबाबात म्हटले आहे. तसेच 26/11च्या हल्ल्याआधी पाहणीसाठी वेगवेगळ्या जागांचे फोटो काढल्याचा जबाबही हेडलीने शिकागो कोर्टासमोर दिला. भारतात येऊन दहशतवादी कारवाया करण्यासोबतच पाकिस्तानमधील दोन अतिरेकी संघटनांशी असलेल्या संबंधांचीही हेडलीने कबुली दिली. लष्कर-ए-तैय्यबाचा C1-3 चा कमांडर इलियास काश्मिरीसोबत संबंध असल्याचेही हेडलीने मान्य केले आहे.लष्कर-ए-तैय्यबाला माहिती पुरवली भारतात आणि डेन्मार्कमध्ये दहशतवादी कारवायांसाठी पाहणी करण्यासाठी एका मित्राच्या इमिग्रेशन कंपनीचा वापर केल्याचे हेडलीने सांगितले. तसेच ही माहिती लष्कर-ए-तैय्यबालाही पुरवल्याचे त्याने कबूल केले. लष्कर-ए-तैय्यबाच्या 5 ट्रेनिंग कँपला भेटी दिल्याचेही हेडलीने कबूल केले. तिथे त्याने शस्त्रास्त्रे चालवण्याचे प्रशिक्षण घेतले. आणि टेहळणीचे तंत्र शिकून घेतले. हेडलीचा कबुलीजबाब त्याला मृत्यूदंडापासून वाचवू शकतो. त्याला भारताकडे सोपवण्यात येणार नाही. मात्र व्हिडिओ कॉन्फरन्सिंगसारख्या माध्यमातून त्याची चौकशी भारताला करता येईल. हेडली दहशतवादी कारवायांबद्दल महत्त्वाची माहिती देत असल्याचा दावा अमेरिकेने केला आहे. दरम्यान माझा पुतण्या दहशतवादी नसल्याचे हेडलीच्या काकांनी म्हटले आहे.सकारात्मक दृष्टीने पाहणार हेडलीला भारताकडे सोपवण्यास अमेरिकेने नकार दिला असला तरी याकडे सकारात्मक दृष्टीकोनातून पाहण्याचे केंद्र सरकारने ठरवले आहे. हेडली प्रकरणातील हा महत्त्वाचा टप्पा असल्याचे सरकारने म्हटले आहे. तसेच अमेरिकन कायद्यांचा अभ्यास करणार असल्याचेही सरकारने म्हटले आहे. आता हेडलीने गुन्हा कबूल केला आहे. त्यामुळे यापुढे आम्हाला अमेरिकेत जाऊन त्याची चौकशी करण्याची संधी मिळेल, अशी अपेक्षाही सरकारकडून व्यक्त केली जात आहे. अधिकृत मागणी नाही हेडलीप्रकरणी अमेरिका भारताला सहकार्य करत आहे, पण भारताने अमेरिकेकडे अधिकृतपणे हेडलीच्या हस्तांतरणाची मागणी केलेली नाही, अशी माहिती परराष्ट्रमंत्री एस. एम. कृष्णा यांनी दिली आहे. हेडली मिळाला नाही तर काय फायदा?हेडलीच्या कबुलीजबाबामुळे 26/11च्या हल्ल्याच्या खटल्याला फायदा होईल. या हल्ल्याचा कट पाकिस्तानमध्येच शिजला. त्यामुळे हा पाकपुरस्कृत दहशतवाद आहे, या आमच्या दाव्याला बळकटी मिळेल, असे विशेष सरकारी वकील उज्ज्वल निकम यांनी म्हटले आहे.हेडली माफीचा साक्षीदार होऊ शकतो. पण त्यासाठी अमेरिका आणि पाकिस्तानने सहकार्य करणे गरजेचे आहे. पण अमेरिका जर त्याला भारताच्या ताब्यात देणार नसेल तर काही फायदा होणार नाही, असेही निकम यांनी म्हटले आहे.विरोधक आक्रमकविरोधक मात्र या मुद्द्यावर चांगलेच आक्रमक झाले आहेत. हेडलीला भारताकडे सोपवले जाणार नाही हे भारतीय परराष्ट्र धोरणाचे अपयश असल्याचे भाजप नेते राजीव प्रताप रुडी यांनी म्हटले आहे. हेडलीला भारताकडे सोपवले जावे आणि त्याची चौकशी भारताच्या कोर्टात व्हावी अशी मागणीही भाजपने केली आहे. हेडली मिळणार नाहीअमेरिका हेडलीला भारताकडे सोपवणार नसल्याचे गृहमंत्री पी. चिदंबरम यांनी स्पष्ट केले आहे. डेन्मार्क आणि पाकिस्तानलाही हेडली पाहिजे असल्याचे चिदंबरम यांनी सांगितले. 26/11 च्या खटल्यावर याचा परिणाम होणार नाही, असा दावाही त्यांनी केला. गुप्तचर यंत्रणेचे अपयश हेडली भारतात येऊन गेला याबाबतीत इंटलिजन्स ब्युरोला कोणतीही माहिती नव्हती. हे गुप्तचर यंत्रणेचे अपयश आहे, असा आरोप विरोधी पक्षनेते एकनाथ खडसे यांनी केला आहे. हेडली प्रकरणी विरोधक आज विधानसभेत आक्रमक झाले.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

Tags:
First Published: Mar 20, 2010 09:02 AM IST

लोकप्रिय बातम्या

ताज्या बातम्या

ibnlokmat
close