S M L

Oscar 2017 : 'ला ला लँडला' नव्हे 'मूनलाईट' सर्वोत्कृष्ट चित्रपट

Samruddha Bhambure | Updated On: Feb 27, 2017 03:02 PM IST

Oscar 2017 : 'ला ला लँडला' नव्हे 'मूनलाईट' सर्वोत्कृष्ट चित्रपट

BRKING940_201702271046_940x355

27  फेब्रुवारी :  अॅण्ड दी ऑस्कर गोज् टू… सर्वात मानाचा समजला जाणारा ऑस्कर पुरस्काराच यंदा मूनलाईट या चित्रपटाने पटकावला आहे तर ‘ला ला लँड’ या चित्रपटाने  सर्वात जास्त ऑस्कर पुरस्कार पटकावले आहेत. आॅस्करच्या दिमाखदार सोहळ्याची सुरुवात झाली जस्टिन टिंबरलेकच्या गाण्याने .

दरम्यान, यंदाच्या ऑस्कर सोहळ्यात अभूतपूर्व असा गोंधळ पाहायला मिळाला. आधी बेस्ट फिल्म म्हणूृन 'ला ला लँड'ला जाहीर झाल्यावर नंतर तो मूनलाईटला देण्यात आला. संपूर्ण जगात या चुकीची चर्चा सुरू झाली आहे. सोशल मीडियावरही ऑस्कर आयोजकांवर टीकेची झोड उठायला  सुरुवात झाली आहे.

या वर्षीचा सर्वोत्कृष्ट अभिनेताचा ऑस्कर पुरस्कार केसी अफ्लेकला ‘मॅन्चेस्टर बाय द सी’ या चित्रपटासाठी ऑस्कर पटकावला आहे. तर सर्वोत्कृष्ट अभिनेत्रीचा पुरस्कार एमा स्टोन्सला ‘ला ला लँड’साठी देण्यात आला आहे. ला ला लँड या चित्रपटाने सर्वात जास्त म्हणजे 6 ऑस्कर पुरस्कार पटकावले आहेत. तर ला ला लँड , मूनलाईट, फेन्सेस, लायन, मँचेस्टर बाय द सी , हेल ऑर हाय वॉटर, हिडन फिगर्स, या चित्रपटांमध्ये ऑस्करसाठी चुरस होती. मात्र 'मूनलाईट' या चित्रपटाला सर्वोत्कृष्ट  चित्रपटाचा ऑस्कर पुरस्कार देण्यात आला आहे.

ऑस्करचं यंदाचं हे 89वर्षं आहे. कॅलिफोर्नियातील डॉल्बी थिएटरमध्ये रंगलेल्या या भव्यदिव्य सोहळ्यात हॉलिवूडसह बॉलिवूड ताऱ्यांचीही मांदियाळी जमली होती. सुप्रसिद्ध टेलिव्हिजन होस्ट जिमी किमेल यंदा ऑस्कर पुरस्कार सोहळ्याचं सूत्रसंचालन केलं.

भारतीयांच्या मनात हक्काचं स्थान मिळवलेल्या मोगलीची गोष्ट असलेल्या ' द जंगल बुक' या सुपरहिट चित्रपटानं सर्वोत्कृष्ट दृश्य परिणामासाठीचा (व्हिज्युअल इफेक्ट्स) प्रतिष्ठेचा ऑस्कर पुरस्कार पटकावला आहे. मात्र सहाय्यक अभिनेता विभागात भारतीय वंशाचा अभिनेता देव पटेलची निराशा झाली आहे.

दरम्यान, गेल्या वर्षी प्रमाणेच बॉलिवूडची देसी गर्ल प्रियांका चोप्रा यंदाही सोहळ्यास उपस्थित असून पांढऱ्या रंगाच्या गाऊनमध्ये रेड कार्पेटवर अवतरलेल्या प्रियांकाचं सौंदर्य खुलून दिसत होतं. त्याशिवाय, सनी पवार 8 वर्षाच्या मुंबईकर चिमुरड्यानं अॅकॅडमी अॅवॉर्ड्सच्या रेड कार्पेटवर चालून मुंबई-महाराष्ट्रासह देशवासीयांची मान उंचावली आहे.

अँड ऑस्कर गोज टू…

  • सर्वोत्कृष्ट सहाय्यक अभिनेता

    - महेर्शाला अली-मूनलाईट

  • सर्वोत्कृष्ट केशभूषा, रंगभूषेचा ऑस्कर

    - अॅलसॅन्ड्रो, जॉर्जिओ, क्रिस्टएन -सुसाईड स्क्वॉड

  • सर्वोत्कृष्ट वेशभूषेचा ऑस्कर

    - कॉलीन अॅटवूड-फॅन्टास्टिक बीस्ट्स अॅण्ड व्हेअर टू फाईंड देम

  • सर्वोत्कृष्ट डॉक्युमेंट्री

    - सर्वोत्कृष्ट डॉक्युमेंट्री-ओ.जे : मेड इन अमेरिका

  • सर्वोत्कृष्ट साऊंड एडिटिंग

    - सिल्वेन बेलमरे -अरायव्हल

  • सर्वोत्कृष्ट साऊंड मिक्सिंग

    - हॅक्सॉ रिज

  • सर्वोत्कृष्ट सहाय्यक अभिनेत्री

    - वायोला डेवीस - फेन्सेस

  • सर्वोत्कृष्ट फॉरेन लँग्वेज फिल्म

    - द सेल्समन

  • सर्वोत्कृष्ट अॅनिमेटेड शॉर्ट फिल्म

    - पायपर

  • सर्वोत्कृष्ट अॅनिमेटेड फिचर फिल्म

    - झूटोपिया

  • सर्वोत्कृष्ट प्रोडक्शन डिझाईन : ला ला लँड
  • सर्वोत्कृष्ट व्हिज्युअल इफेक्ट्स

    - द जंगल बुक

  • सर्वोत्कृष्ट एडिटिंग

    - हॅक्सॉ रिज

  • सर्वोत्कृष्ट डॉक्युमेंट्री शॉर्ट सब्जेक्ट

    - द व्हाईट हेलमेट्स

  • सर्वोत्कृष्ट लाईव्ह अॅक्शन शॉर्ट फिल्म

    - सिंग

  • सर्वोत्कृष्ट सिनेमेटॉग्राफी

    - ला ला लँड

  • सर्वोत्कृष्ट ओरिजीनल स्कोर

    - ला ला लँड

  • सर्वोत्कृष्ट ओरिजीनल साँग

    - सिटी ऑफ स्टार्स- ला ला लँड

  • सर्वोत्कृष्ट मूळ पटकथा

    - मॅन्चेस्टर बाय द सी

  • सर्वोत्कृष्ट रुपांतरीत पटकथा

    - मूनलाईट

  • सर्वोत्कृष्ट दिग्दर्शन

    - डेमियन सिझेल- ला ला लँड

  • सर्वोत्कृष्ट अभिनेता

    - केसी अॅफ्लेक - मॅन्चेस्टर बाय द सी

  • सर्वोत्कृष्ट अभिनेत्री

    - एम्मा स्टोन - ला ला लँड

  • सर्वोत्कृष्ट सिनेमा

    - मूनलाईट

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Feb 27, 2017 10:14 AM IST

लोकप्रिय बातम्या

ताज्या बातम्या

ibnlokmat
close