S M L
  • कोयना प्रकल्पात 'लेक टॅपिंग' यशस्वी

    Published On: Apr 25, 2012 12:19 PM IST | Updated On: Apr 25, 2012 12:19 PM IST

    25 एप्रिलकोयना वीज प्रकल्पाच्या चौथ्या टप्प्यासाठी आज लेक टॅपिंग पार पाडलं. धरणातील पाणीसाठा कमी झाल्यावरही धरणातील पाण्याचा उपयोग ऊर्जा निर्मितीसाठी करता यावा यासाठी हे लेक टॅपिंग केलं गेलं आहे. यामुळे आता वीज निर्मितीसाठी मोठा हातभार लागणार आहे. लेक टॅपिंगमध्ये पाण्याखालच्या जमिनीत भूयार मार्ग तयार करून स्फोटकाद्वारे त्या तळ्याला छिद्र पाडली जातीत. आणि त्या बोगद्यातून पाण्याचा प्रवाह वाहता केला जातो. याआधी 1999 साली कोयना धरणात आशिया खंडातलं पहिलं लेक टॅपिंग करण्यात आलं होतं. आता 13 वर्षानंतर या प्रयोगाची पुनरावृत्ती करण्यात आली आहे. 13 वर्षांनंतर पुन्हा एकदा कोयनेनं हा थरार अनुभवला. हा जलकंप होता लेक टॅपिंगचा.. कोयना धरणात दुसर्‍यांदा हा नियंत्रित स्फोट घडवण्यात आला. हा यशस्वी प्रयोग राज्यातल्या लोडशेडिंगचा भार कमी करणार आहे. लेक टॅपिंग म्हणजे जलाशय छेद प्रक्रिया. यासाठी धरणाखाली मोठे बोगदे खणले जातात. या बोगद्याच्या एका टोकाशी काही अंतरावर विद्युतनिर्मीती केंद्र असतं. धरणातली पातळी खाली गेली असताना.. पाणी विद्युतनिर्मिती केंद्राकडे वळवण्यासाठी लेक टॅपिंगची मदत होते. ही प्रक्रिया अत्यंत जिकरीची आणि खर्चिक आहे. मुख्यमंत्री आणि उपमुख्यमंत्री या यशानं इतके भारावले की, त्यांनी कर्मचार्‍यांना पगारवाढ देण्याचीही घोषणाही केली.जलविद्युत प्रकल्पाच्या या टप्प्यासाठी एकूण 500 कोटी खर्च आलाय. तर लेक टॅपिंगसाठी 12 कोटी रुपये खर्च करण्यात आला. एप्रिल आणि मे महिन्यात राज्यात विजेची मागणी वाढते आणि नेमका त्याचवेळी वीजनिर्मिती साठी पाणी पुरवठा कमी होतो. पण आता भर उन्हाळ्यातही कोयनेत वीजनिर्मिती सुरू राहिल्याने लोडशेडिंग कमी होऊन तुम्हा-आम्हाला दिलासा मिळेल.

ताज्या बातम्या

और भी
ibnlokmat
close