S M L
  • 'हनुमान' दारासिंग यांचा जीवनप्रवास

    Published On: Jul 12, 2012 10:53 AM IST | Updated On: Jul 12, 2012 10:53 AM IST

    12 जुलैसिनेमात, जाहिरात आणि मालिकांत वेगवेगळ्या छोट्या मोठ्या भूमिका करून दारा सिंग नेहमीच कायम रसिकांच्या मनात राहिले. एक नजर टाकूया त्यांच्या कारकिर्दीवर... राम भक्त 'हनुमान' रामायणातून घराघरांत पोचला. आणि मोठ्या पडद्यावरचे रफ अँड टफ आजोबाही सगळ्यांना आवडले. दारासिंग यांनी साकारलेला हनुमान अजरामर झाला. तर जब वुई मेटमधले आजोबाही लक्षात राहिले. कुस्तिवीर दारा सिंग यांनी 100 पेक्षा जास्त सिनेमे केले. आणि अनेक मालिकाही. 2003ला राज्यसभेसाठीही ते निवडले गेले.अभिनय करण्याआधी ते कुस्ती खेळायचे. 19 नोव्हेंबर 1928 ला जन्मलेले दारा सिंग अमृतसरचे. 6 फूट 2 इंच उंचीचे दारा सिंग आपल्या धट्‌ट्याकट्या तब्येतीसाठी प्रसिद्ध होते. तरुणपणापासूनच त्यांनी कुस्ती खेळायला सुरुवात केली होती.वयाच्या 18 व्या वर्षी ते सिंगापूरला गेले. तिथे त्यांनी बर्‍याच नोकर्‍या केल्या. सोबत कुस्तीची प्रॅक्टिस सुरू होतीच. 1954 मध्ये दारा सिंग बनले भारताचे कुस्ती चँपियन बनले. नंतर 1959 मध्ये कॉमन वेल्थ चँपियनशिपचा सन्मान मिऴाल्यानंतर 1968 मध्ये वर्ल्ड चँपियन झाले. आणि 1983 मध्ये त्यांनी कुस्तीपासून निवृत्ती घेतली.1962 मध्ये रुस्तम ए हिंद मोठ्या पडद्याकडे वळले. 1963 मध्ये फौलाद आणि लगेचच पुढच्या वर्षी हरक्युलस रिलीज झाले. अनेक हिंदी आणि पंजाबी सिनेमांमध्ये त्यांनी हिरोची भूमिका केली. अभिनेत्री मुमताझलाही त्यांनीच इंट्रोड्युस केलं. दोघांनी मिळून 16 सिनेमे केले.दारा सिंग यांनी काही सिनेमांची निर्मिती आणि दिग्दर्शनही केलं. पण कल हो ना होमधले प्रेमळ आजोबाच शेवटपर्यंत सगळ्यांच्या लक्षात राहिले. दारा सिंग यांना आयबीएन लोकमतची आदरांजली.

ताज्या बातम्या

और भी
ibnlokmat
close