S M L

दाभोलकरांचा खून हा पूर्वनियोजित कट -मुख्यमंत्री

Sachin Salve | Updated On: Aug 20, 2013 01:31 PM IST

cm pruthaviraj chavhan20 ऑगस्ट : डॉ. नरेंद्र दाभोलकर यांचा खून हा पूर्वनियोजित कट होता. या प्रकरणाचा कडक तपास करण्यात येईल अशी माहिती मुख्यमंत्री पृथ्वीराज चव्हाण यांनी दिली. तसंच या कटाची कुणालाही काहीही माहिती असल्यास त्यांनी पुणे क्राईम ब्रांचला कळवावी. माहिती देणार्‍याला 10 लाखांचं बक्षीस देण्यात येईल अशी घोषणाही मुख्यमंत्र्यांनी केली.

दाभोलकर यांचा खून महाराष्ट्राच्या सामाजिक चळवळीला हादरा आहे. हल्लेखोरांची गय केली जाणार नाही अशी प्रतिक्रियाही मुख्यमंत्र्यांनी दिली. ते कोल्हापूरमध्ये बोलत होते. तर पुरोगामी महाराष्ट्रात अशी घटना घडणं हे अत्यंत धक्कादायक आहे अशी प्रतिक्रिया गृहमंत्री आर.आर. पाटील यांनी दिली.

या प्रकरणी तपास करण्याचे आदेश देण्यात आले असून पुणे पोलीस हल्लेखोरांचा कसून शोध घेत आहे असंही पाटील यांनी सांगितलं. दरम्यान, राज्यभर सामाजिक संघटनांनी आणि कार्यकर्त्यांनी निषेध नोंदवत आहे. नाशिकमध्ये जेल भरो आंदोलन करण्यात आलंय. तर मुंबई आणि पुण्यात कार्यकर्त्यांनी निदर्शनं केली.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Aug 20, 2013 01:31 PM IST

लोकप्रिय बातम्या

ताज्या बातम्या

ibnlokmat
close