S M L

दाभोलकर खून प्रकरणी 'सनातन'च्या साधकाला सोडलं

Sachin Salve | Updated On: Aug 29, 2013 05:18 PM IST

दाभोलकर खून प्रकरणी 'सनातन'च्या साधकाला सोडलं

sanatan29 ऑगस्ट : डॉ. नरेंद्र दाभोलकर यांच्या खून प्रकरणात ताब्यात घेतलेला सनातनचा साधक संदीप शिंदे याला पोलिसांनी सोडून दिलंय. संदीप शिंदे याला बुधवारी गोव्यातून पुणे पोलिसांनी ताब्यात घेतलं होतं.

त्यानंतर त्याला चौकशीसाठी पुण्यात आणण्यात आलं. त्याची चौकशी केल्यानंतर त्याच्याकडून डॉ. दाभोलकर यांच्या खून प्रकरणातले कोणतेही धागेदोरे मिळाले नाहीत, त्यामुले संदीप शिंदेला सोडून देण्यात आलं, अशी माहिती सूत्रांनी दिली.

संदीप शिंदे याला गोव्यातून सनातन प्रभात संस्थेच्या रामनाथी येथील आश्रमातून चौकशीसाठी ताब्यात घेण्यात घेण्यात आलं होतं. पुणे पोलीस तपास पथकाच्या प्रमुख गीता भगवाडे यांच्या नेतृत्वाखालील पथकाने ही कारवाई केली होती.

यावेळी सनातनचे विश्वस्त विरेंद्र मराठे तसंच सनातनाचे वकील ऍड. ताकभाते उपस्थित होते. संदीप शिंदे गेली चार वर्षे रामनाथी आश्रमात साधना करत होता. तो मुळचा पुण्याचा आहे. पोलिसांनी अधिक चौकशीसाठी संदीपला पुण्याला आणलं आणि आज सोडून दिलं.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Aug 29, 2013 03:13 PM IST

लोकप्रिय बातम्या

ताज्या बातम्या

ibnlokmat
close