S M L

पुण्याची अल्पवयीन मुलगी इसिसच्या संपर्कात ?

Samruddha Bhambure | Updated On: Dec 18, 2015 03:31 PM IST

 पुण्याची अल्पवयीन मुलगी इसिसच्या संपर्कात ?

17 डिसेंबर : इराक आणि सीरियात हिंसाचाराचे तांडव माजवणार्‍या ISIS या दहशतवादी संघटनेने तरुणाईला भुरळ घातली आहे. या संघटनेच्या जाळ्यात पुण्यातील एक शालेय मुलगीही अडकली. ISIS मध्ये जाणार्‍या या मुलीची दहशतवाद विरोधी पथक (ATS) ला खबर लागली आणि त्यांनी तिला या नेटवर्कमधून बाहेर काढल आहे. पुण्यात संध्याकाळच्या सुमारास पोलिसांनी ही कारवाई केली.

पुण्यातील इंग्रजी माध्यमातील शाळेत ही 16 वर्षांची मुलगी शिकतेय. राजस्थानमध्ये अटक केलेल्या आयओसीमधील इंजिनीयरकडून मिळालेल्या माहितीनंतर ही कारवाई झाली आहे. या मुलीला ISIS या दहशतवादी संघटनेत सुसाइड बॉम्बर बनवण्यात येणार होते. सोशल नेटवर्किंगच्या माध्यमातून तिच्याशी संपर्क करण्यात आला होता. इंजिनीयरने सोशल नेटवर्किंग साईटवर वेगवेगळे ग्रुप बनवले होते. त्यात या मुलीचा रेफरन्स मिळाला. तिच्या ऍक्टिव्हिटीवर गुप्तचर यंत्रणांनी पाळत ठेवली होती. त्यानंतर या मुलीला शोधून एटीएस ने तिच काऊन्सलिंग केली आणि तिला ISISमध्ये जाण्यापासून रोखलं. यापूर्वी ठाणे, कल्याणचे तरुण ISIS या दहशतवादी संघटनेच्या संपर्कात आले होते. त्यातील एक जण सध्या एटीएसच्या ताब्यात आहे.

बातम्यांच्या अपडेटसाठी कनेक्ट राहा आमच्या फेसबुक पेज आणि टि्वटर अकाऊंटसोबत

Follow @ibnlokmattv

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Dec 17, 2015 10:17 PM IST

लोकप्रिय बातम्या

ताज्या बातम्या

ibnlokmat
close