S M L

निर्माते अतुल तापकीर यांची आत्महत्या, फेसबुकवर लिहिली सुसाईड नोट

अतुल तापकीर यांनी पुण्यातील प्रेसिडेंट हॉटेलमध्ये विष पिऊन आत्महत्या केली आहे.

Sonali Deshpande | Updated On: May 14, 2017 05:55 PM IST

निर्माते अतुल तापकीर यांची आत्महत्या, फेसबुकवर लिहिली सुसाईड नोट

14 मे : 'मी आता कायम स्वरुपी माझ्या आईसोबत राहणार याचा मला खूप आनंद आहे, '  असं सुसाइड नोटमध्ये लिहित निर्माते अतुल तापकीर यांनी आज आत्महत्या केली. जागतिक मातृदिनाच्या दिवशी आणि अचानक घडलेल्या या दुःखद घटनेने मराठी फिल्म इंडस्ट्रीला धक्का बसला आहे. ते 'ढोल ताशे' सिनेमाचे  निर्माते होते.

अतुल तापकीर यांनी पुण्यातील प्रेसिडेंट हॉटेलमध्ये विष पिऊन आत्महत्या केली आहे. आत्महत्येचे कारण अद्याप स्पष्ट झाले नसून कौटुंबिक वादातून त्यांनी ही आत्महत्या केल्याचा अंदाज आहे. अतुल यांनी आत्महत्या करताना फेसबुकवर सुसाईड नोट पोस्ट केली होती. यामध्ये त्यांनी पत्नीकडून होत असलेल्या मानसिक त्रासाला कंटाळून मी आत्महत्या करत असल्याचं म्हटलं आहे.

'ढोल ताशे' सिनेमामुळे त्यांचं प्रचंड आर्थिक नुकसान झाल्याचंही त्यांनी म्हटलंय. पोलीस तपास करत आहेत.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: May 14, 2017 05:55 PM IST

लोकप्रिय बातम्या

ताज्या बातम्या

ibnlokmat
close